🌳☘️«Мэзыр тхъумэнщ» Урысейпсо акцэм ипкъ иту Къэрэшей-Черкесым щыхасэн я мурадщ жыгыщӏ...
🌳☘️«Мэзыр тхъумэнщ» Урысейпсо акцэм ипкъ иту Къэрэшей-Черкесым щыхасэн я мурадщ жыгыщӏэ зэмылӀэужьыгъуэу 500. Нобэ, Черкесск и Покровскэ паркым щекӀуэкӀа япэ хэсэгъуэм хэтащ КъЧР-м и Парламентым и спикер Иванов Александр. Абы мыщэхупщ плъыжьыбзэрэ блашэрэ къыдагъэтӏысащ щӏыуэпс хэкӏыпӏэхэмкӏэ Комитетым и тхьэмадэ Катчиев Исмэхьил, УФ-м и Федеральнэ ЗэIущIэм ФедерацэмкIэ и Советым КъЧР-м къыбгъэдэкӏыу хэт сенатор Къэзэнокъуэ Кърым, Черкесск къалэм и мэр Баскаев Алексей, республикэм щӏыуэпс хэкӏыпӏэхэмрэ экологиемрэкӏэ и министр Кочкаровэ Дианэ сымэ, волонтерхэмрэ «Спутник» щӏалэгъуалэ Купсэм щеджэхэмрэ. Гуапэ зэрыхъущи, «Аллея Единства народов КЧР» жэуэ а щӀыпӀэм зэрыфӏащар зытет нагъыщэр гъунэгъуу блэкӏхэм ямылъагъуу къэнэнукъым. Мы акцэм щыпащащ Красногорскэ станицэм и мэз хъызмэтым хыхьэ щӏы Ӏыхьэм дежи. А Ӏуэхум къулыкъу ӀэнатӀэ зэхуэмыдэхэм пэрыт цӏыху щэ бжыгъэ къыхашащ кӏей жыгыщӏэ 200 ирагъэгъэтӏысыну. Къинэмыщӏауэ, аргуэру жыгыщӏэ цӏыкӏуу 200-м щӀигъу щагъэтӏысыну загъэхьэзыр республикэм и муниципалнэ район къэс. Псори зэхэту мы бжьыхьэр имыкӏ щӀыкӀэ ди мэзылъэхэр лӀэужьыгъуэ зэхуэмыдэхэм щыщ жыгыщӏэ минищкӏэ ягъэбэгъуэнущ, ауэрэ мэзхэр зэфӏэгъэувэжынымкӏэ «Экологическэ зэӏузэпэщыныгъэ» лъэпкъ проектыр мы гъэм ягъэзэщӏауэ къыщӏэкӏынущ. Мы илъэсыр зэрыщидзэрэ Къэрэшей-Черкесым щагъэтӏысагъэххэщ жыгыщӏэ зэхуэмыдэу мин 12-м нэхърэ нэхъыбэ. А лэжьыгъэр илъэс ебланэ хъуауэ республикэм щокӀуэкӀ, УФ-м и Президент Путин Владимир и къыхэлъхьэныгъэкӏэ.