Бибилэтиэкэ күнүнэн Ааҕааччыларга уонна Бибилэтиэкэ үлэһиттэригэр эҕэрдэ! — 26 мая 2026 г. в 16:32:35.475

Бибилэтиэкэ күнүнэн Ааҕааччыларга уонна Бибилэтиэкэ үлэһиттэригэр эҕэрдэ! Ытыктабыллаах ааҕааччыларбыт уонна билии уотун сүүс сылларга харыстаан илдьэ кэлбит, кэскилгэ тиэрдэр күндү бибилэтиэкэ үлэһиттэрэ! Бүгүн, Бүтүн Россиятааҕы Бибилэтиэкэ күнүнэн, эһигини барыгытын истиҥник эҕэрдэлиибит! Күндү ааҕааччыларбыт! Эһиги – кинигэ дьиҥнээх сүрэҕит, билиигэ тардыһыы сирдээҕи көстүүтэҕит. Ааҕыыга тапталгыт, саҥаҕа умсугуйаргыт бибилэтиэкэлэрбит олохторун салгыыр, сайдыыларын түстүүр. Хас биирдии аахпыт кинигэҕит саҥа аартыктары арыйдын, дууһаҕытын байыттын, өйгүтүн-санааҕытын сырдаттын! Мэлдьи билиигэ тардыһа сылдьыҥ, кинигэ ыйар сырдык суолунан барыҥ! Убаастабыллаах коллегарбыт! Эһиги – бу дьикти аан дойду харабыллара, билии сирдьиттэрэ, муударас тарҕатааччылараҕыт. Эһиги сыралаах үлэҕит, үтүө санааҕыт, ааҕааччыга сыһыаҥҥыт – олоххо дьоҕурдаах, кинигэни таптыыр көлүөнэлэри иитэр сүрүн төһүү күүс. Үлэҕитигэр саҥа ситиһиилэри, үөрүүлээх түгэннэри, ааҕааччыларгыт махталларын! Дьиэ кэргэҥҥитигэр чэгиэн туругу, дьолу-соргуну, үтүмэн үгүс үөрүүлэри баҕарабыт!