✨«Colbon oju:ta» быыстапкаҕа ыҥырабыт!✨ — 1 июля 2026 г. в 05:52:31.040
✨«Colbon oju:ta» быыстапкаҕа ыҥырабыт!✨ 2026 сыл от ыйын 2 күнүттэн Саха Өрөспүүбүлүкэтин Национальнай уус-уран ойуулуур-дьүһүннүүр музейыгар сахалыы тыллаах саамай кырдьаҕас уус-уран литература уонна общество-политика сурунаалын 100 сылыгар анаммыт быыстапка үлэтин саҕалыыр. 🔶Сарсыардааҥҥы чаҕылхай Чолбон былыр-былыргыттан айанньыттарга суолдьут сулус уонна саҥа күн илдьитэ этэ. Бу уобарас экспозиция – сүрүн дьүһүнэ. 🔶Көрдөрүүгэ турбут графикаҕа үлэлэр – саха литературатын бэлиэ айымньыларын аргыстара буолан, дириҥ ис хоһоонноох кэпсэтиигэ ыҥыраллар. Литература санаатын худуоһунньуктар ойуу нөҥүө салгыыллар! Быыстапка ис хамсааһына үс сүрүн хайысхаҕа арахсар: 🔶Киһи: «Чолбон» сурунаалы төрүттээбит уонна кини кэмин культураҕа эйгэтин сайыннарбыт дьоҥҥо анаммыт үлэлэр турдулар. 🔶Кинигэ графиката: Бэчээт тылын уус-уран көстүүтэ. 🔶Олоҥхо: Бу экспозиция саха норуотун героическай эпоһыгар ананар, кини космогоническай тутулун уонна мифологическай толкуйун арыйар. 🔗Быыстапка туһунан сиһилии сайтка ааҕыҥ: http://clck.ru/3UPCvu 🗓📍Буолар кэмэ, сирэ: 2.07–2.08.2026, Дьокуускай куорат, Киров уул., 9, 3-с этээс, быыстапка саалата ⚪️Киирии музей прейскуранынан ☎️Б/т: 8 (4112) 33-52-79, 8 (4112) 33-52-80 (касса)