Үөрүүлээх сонун! Бу күннэргэ Варвара Васильевна Макарова "Чурапча на девяти холмах: пам... — 15 мая 2026 г. в 11:40:07.695
Үөрүүлээх сонун! Бу күннэргэ Варвара Васильевна Макарова "Чурапча на девяти холмах: памятники культурного наследия Чурапчинского наслега" кинигэтэ күн сирин көрдө! Кинигэҕэ тапталлаах Чурапчыбыт историята, бэлиэ сирдэрэ киирбиттэр. Кинигэ сырдык санааны уһугуннарар, дойду ахтылҕанын күүһүрдэр, аҕааччыга элбэҕи кэпсиир ис хоһоонноох. Варвара Васильевна Чурапчы нэһилиэгин аҕа баһылыгын социальнай боппуруостарга солбуйааччынан үлэлиир. Кинигэни ис сүрэҕиттэн, кыаҕын ууран туран суруйбута кинигэ тас көрүҥүттэн саҕалаан тута көстөр. Ыам ыйын 15 күнүгэр оскуолабыт аактабай саалатыгар кинигэ сүрэхтэниитэ буолла. Кыттыыны 7 кылаастар уонна 6д кылаас оҕолоро ыллылар. 3д кылаас уолаттара "Тыалы кытта сырсыаҕын" ырыанан, Феофанова Эглантина 3е кылаас үөрэнээччитэ хомуска оонньоон тэрээһини киэргэттилэр. Тэрээһини библиотекарь Людмила Романовна Татаринова иилээн-саҕалаан ыытта. Дириэктэри үөрэх чааһыгар солбуйааччы Максимова Прасковья Дмитриевна оҕолорго туһаайан кинигэ туох сыаллаах суруллубутун быһаарда, төрөөбүт дойду историятын кинигэ көмөтүнэн өссө чиҥэтэн үөрэтэллэригэр сүбэлээтэ. Варвара Васильевна уонна Чурапчы нэһилэгин администрациятын специалиһа Матвеева Мария Петровна оҕолорго бэрт сэргэх форматынан кинигэ ис хоһоонун билиһиннэрдилэр. Викторина ыытан оҕолорго өйдөбүнньүк бириистэри туттардылар. Варвара Васильевна "кинигэ тахсыытыгар биир сүрүн төһүү эһиги оскуолаҕыт выпускнига Альберт Попов оскуолаҕа сылдьан чинчийэр үлэтэ буолар" диэн оҕолорго кэпсээтэ. Кинигэҕэ оскуолабыт территориятыгар турар киэн туттар киһибит С.А. Новгородов памятнига киирбитэ биһигини долгутта. Олус интэриэһинэй көрсүһүү буолла. Түмүккэ Варвара Васильевна оскуолаҕа кинигэтин бэлэх уунна. Истиҥ- иһирэх көрсүһүү уопсай хаартыскаҕа түһүүнэн түмүктэннэ.