Çтерлĕри хĕр-гимнаст Раççей чысне Олимпиадăра хÿтĕлĕ — 28 сентября 2026 г. в 07:39:14.503
Çтерлĕри хĕр-гимнаст Раççей чысне Олимпиадăра хÿтĕлĕ Çывăх вăхăтра çамрăксен Олимп вăййисем Сенегалта (Атлантика океанĕнче вырнаçнă çĕршыв) иртмелле. Раççей командин йышне РФ Олимп комитечĕн ĕç тăвакан комитетĕнче çирĕплетнĕ тесе пĕлтернĕ çĕршывăн спорт минстрĕ Михаил Дегтярев. Команда шутĕнче Çтерлĕ хулинче пурăнакан Полина Дмириева çамрăк гимнаст ячĕ те пур. Пурĕ унта 13 спортсмен кĕнĕ, вĕсем Мускавпа Санкт- Петербургран, Пушкăртстанпа Кабардин-Балкар, Дагестан республикисенчен, Курскпа Воронеж тата Волгоград облаçĕсенчен. Çĕршыв команди ăмăртусене наци символикипе усă курса хутшăнĕ, Раççей спортсменĕсем çĕнтерсен пирĕн гимн янрĕ. Çамрăксен IV Олимп вăййисем 2026 çулхи октябрь уйăхĕн 31-мĕшĕнче пуçланса ноябрĕн 13-мĕшĕччен Сенагалра иртĕ. Вун тăватă кун хушшинче 2700 спортсмен спортăн 25 тĕсĕнче 153 комплект медальсене çĕнсе илессишĕн ăмăртĕç. Маларах Полина Дмитриева Европа шайĕнчи ăмăртура 4 ылтăн тата 1 кĕмĕл медаль çĕнсе илнĕччĕ. Ун чухне Пушкăртстан Пуçлăхĕ Радий Хабиров правительствăн оперативлă канашлăвĕнче Дмитриеван çитĕнĕвне уйрăм палăртнăччĕ. - Çак ăмăртуран Олимпиадăна çитме - икĕ утăм. Ку вăл тĕнче шайĕнчи тытăçусене хутшăнма суйласа илмелли самант. Кунта вара Олимпиада -2028 квотисене палăртаççĕ. Çавăнпа та Полинăшăн эпир малашне те хумханăпăр-ха. Ăнăçу сунатпăр!- тенĕ Радий Хабиров.