Сомоҕолоһуу сылынан Нижнекамскайга ыһыах ыһылынна — 14 июня 2026 г. в 00:57:27.303
Сомоҕолоһуу сылынан Нижнекамскайга ыһыах ыһылынна Бэс ыйын 5 – 6 күннэригэр Казань Нижнекамск куоратыгар Арассыыйа үрдүнэн Сомоҕолоһуу, Саха сиригэр Култуура сылларын чэрчитинэн Сардаана Семеновна Брызгалова салайааччылаах Дьокуускай куорат култуураҕа уонна духуобунай сайдыыга салалтата, Эпос уонна ускуустуба Арктикатааҕы киинин төрүт нэһилиэстибэтин үйэтитэр салаа салайааччыта Евдокия Николаевна Иванова көҕүлээһиннэринэн, Саха сирин култууратын, төрүт үгэспитин киэҥ эйгэҕэ тарҕатар, билиһиннэрэр сыаллаах – соруктаах, култуурунай программалаах ыһыах ыһан кэллибит. Улуустартан кыттыыны ыллылар:Ньурба, Сунтаар, Уус – Алдан, Горнай, Хаҥалас, Мэҥэ – Хаҥалас,Амма, Таатта улуустара, Дьокуускай куорат, Хатас бөһүөлэгэ. Концертнай программаҕа кытыннылар: “Сандал”, “Сэргэчээн”оҕо үҥкүү образцовай ансаамбыллара, Хотугу аҕыйах ахсааннаах норуоттар, норуодунай ансаамбыла, Хатас“Айхал” фольклорнай ансаамбыла, “Эйгэ” Уу – Алдан уус – уран ансаамбыла,”Айылгы” Нюрба уус – уран ансаамбыла, Сунтаар “Утум” олоҥхону толорооччулар түмсүүлэрэ, Хаҥаластан Лидия Харитонова, Бандерова Маргарита тойуксут ырыаһыт, Горнайтан Суханова Ульяна кырыымпаһыт, оһуокайдьыт, Дьулустаан Заболоцкай, Кондратий Герасимов солистар.Дьокуускайтан Роман Иванов, Владимир Дормидонтов, Анна - Дива, Зинаида Сивцева, Юлиана Харлампьева, Сандал Захаров,Корякина Наталья, концеры ыыттылар:Александр Желобцов, Сардаана Бочкарева. Сахалыы остуол оонньуларын тэрийдилэр Дьокуускай куорат кииннэммит киин библиотекатын үлэһиттэрэ, салайааччы Якушева Рита Михайловна, маастар кылаастарын көрдөрдүлэр Дьокуускай куорат 6 кылааһын үөрэнээччилэрэ СӨ хабылыкка, хаамыскаҕа остуол оонньуутун чемпионнара Эрчим Кириллин, Саян Куранаев ону таһынан бары түһүлгэ киэргэтиитигэр үлэлэстилэр. Маастар – кылаастарга уонна выставкаҕа кыттыыны ыллылар: Амматтан “Эмис” сэлиэнньэтин култуура киинин салайааччыта Иванова Анжелика Александровна – выставкаҕа саха таҥаһын, иһитин -хомуоһун туруорда,Степанова Анастасия Степановна кылга, сиэлгэ норуот маастара, Горнайтан Дьячковская Антонина Николаевна сувенирнай продукция маастара, Сайдыына Нарыйаана Уус кыыһа – кыбытыы тигиигэ, туой оҥоһукка маастар, Санникова Айталина Васильевна – корнепластикаҕа маастара олоҥхо сериятын персонажтарын туруорда, Нюрбаттан “Айылгы” култуура киинин уус – уран салайааччыта Федорова Марфа Самуиловна, Николаева Мария Пудовна Үөдэй сэлиэнньэтин баһылыга, норуот маастара, Уус – Алдантан выставканы иилээн – саҕалаан аҕалла Олоҥхо дьиэтин норуот айымньытын киинин сүрүн специалииһа Герасимова Матрена Николаевна, Васильева Екатерина Николаевна туос иһит тигиитин маастара, Иванова Евдокия Иннокентьевна төрүт ииһин сөргүтээччи, Хаҥаластан “Ситим” төрүт ииһи сөргүтээччилэр СӨ норуотун маастар, Ил – Дархан бириэмийэтин степендиата Игнатьева Дора Сидоровна, СӨ уус – уран норуотун маастара Игнатьева Ольга Романовна кымыс көөнньөрөр симиир иһиттэрэ, хотойдоох сонноро киин сиргэ туран дьон – сэргэ болҕомтотун тардан, сөҕө – махтайа көрдүлэр, эбиитин кылтан ымыы сувенирдарын оҥорууга маастар кылаас ыытаннар, оҥоруон баҕалаах дьон быыстала суох кытыннылар. Бэс ыйын 5 күнүгэр Нижнекамскай норуот айымньытын киинигэр норуот оҥоһуктарын быыстапката тэрилиннэ, маастар кылаастар ыытылыннылар, холбоһук концерт үрдүк таһымнаахтык ааста, Нижнекамск, Дьокуускай куорат баһылыктара эҕэрдэ тылларын өрө көтөҕүүлээхтик эттилэр, концерт түмүгэр ырыаһыттар күргүөмүнэн биир ырыаны толорон соһутан, көрөөччүлэр бары сүргэбит көтөҕүллэн дуоһуйан тарҕастыбыт. Киэһэ Майдааҥҥа уус уолаттарбыт:Михайлов Александр, Потапов Сергей, Калачев Владимир,салайааччыларын Данилов Александры кытта тимирдээх таастан болгуону уһааран көрдөрдүлэр Дьокуускай баһылыга Евгений Григорьев, Нижнекамск баһылыга Радмир Беляев буолан болгуону утуу субуу эллээн 5 киилэ ыйааһыннаах тимири таһаардылар. Төһө да чаас ырааттар, көрөөччүлэр үгүс буолан сөҕө, махтайа көрдүлэр, олохтоох телевидение фондугар уһуллулар.