Олунньу 23 күнүгэр Чуукаарга Аҕа дойдуну көмүскээччилэр күннэригэр Е.М.Поликарпов аатын... — 23 февраля 2026 г. в 11:16:28.726
Олунньу 23 күнүгэр Чуукаарга Аҕа дойдуну көмүскээччилэр күннэригэр Е.М.Поликарпов аатынан "Эйгэ" НАК уонна Пётр Алексеев аатынан спортзал үлэһиттэрин күүһүнэн эр дьоҥҥо "Алчные экстремалы" диэн бэрт тыҥааһыннаах күөн көрсүү буолла. "Сымса тарбах" диэн АКМ ыһыытын-хомуйуутун күрэҕэ тэрээһини саҕалаата ,манна кыайыылааҕынан Спартак Иннокентьев буолан саа ыраастыыр кэмпилиэгинэн наҕараадаланна.Бу кэннэ сэттэ түһүмэхтээх ким сымсатын,сатабыллааҕын,күүстээҕин быһаарар тургутук буолла.Түһүмэхтэр станцияларынан араарылыннылар.Маҥнай сиэрдийэ суораат сүүрэн тиийэн шардарынан сыал бырахтылар,салгыы куул кэтэн нөҥүө түһүмэххэ тиийдилэр . Ол кэннэ куулларыгар толору хаар симэн сүкпүтүнэн аныгыскы станцияҕа сүүрдүлэр.Манна тиийээт дулҕалаан моһолу аастылар.Ити кэннэ куобах туһаҕын ииттилэр, онтон кутаа оттон уу оргуттулар. Бары да спортка ,бултка сыһыаннаах буолан олох тилэх уопса сырыттылар.Түмүккэ: Александр Семёнов I миэстэ буолан и.п.ЕгоровВ.С.туруорбут бирииһин 10000солк.болгарка,шуруповёрт наборун ылла.Алексей Мартынов II миэстэ,"Эйгэ" НАК туруорбут 6000солк.кус маныыр дурданы ылла.Александр Васильев III ,Е.М.Поликарпов аатынан "Эйгэ"НАК туруорбут бирииһинэн автомобиль күлүүстэрин наборунан наҕараадаланна.Итини таһынан бары грамотанан уонна мэтээллэринэн бэлиэтэннилэр. Киэһэтин, Чуукаарга олорон үлэлээн ааспыт биллэр ырыаһыт,элбэх ырыаны айан хаалларбыт Владимир Васильев - XXка төрөөбүтэ 60 сылыгар анаан 2001 сыллаахха Ньурба оройуонугар оскуола оҕолорун кытары туруорбут кэнсиэрин видео устуутун көрдүбүт. Надежда Казакова, Чуукаар