22 май көнне "Лэйсэн "балалар бакчасында чыгарылыш кичәсе узды. Кешенең тормышы чыгарыл... — 25 мая 2026 г. в 10:38:15.499
22 май көнне "Лэйсэн "балалар бакчасында чыгарылыш кичәсе узды. Кешенең тормышы чыгарылыш кичәләреннән тора. Башта балалар бакчасы, аннары мәктәп, югары уку йорты... Һәркайсы кеше тормышында аерым бер этап, аерым бер тормыш мизгеле. Менә безнең балаларыбыз да беренче этапны узды. Бәйрәм җырлар, биюләр, кызыклы уеннар белән үрелеп барды. Чын олыларча! Балалар тормышында бу беренче зур бәйрәм гомергә хәтердә калыр, мөгаен. Чыгарылыш кичәсе... Бу бәйрәм моңсу да, күңелле дә. Күңелле, чөнки ак бантиклы һәм кара галстуклы әлеге сабыйлар көзен инде мәктәп бусагасын атлап керәчәк. Моңсу да... Чөнки күпме дуслар, әни урынына якын күргән тәрбиячеләр белән хушлашу көне бу. Хәер, күңелсезләнеп утырыр чак түгел. Алда зур юллар көтә. Бу балаларыбызга якты юллар теләп калабыз. Тормышларындагы һәр чыгарылыш кичәсе үз вакытында булсын. Һәм һәрвакыт якты, күңелле һәм бәхетле узсын! Сау бул, балалар бакчасы! #ГодДошкольногообразования #ГДОТатарстан