Кышкы бойдус чараш каазы Тожу черде — 10 июня 2026 г. в 01:42:32.835
Кышкы бойдус чараш каазы Тожу черде Кышкы хевин аянзыдыр кеттинипкен Кылын хары чайынналып кылаңнашкан Кижилерниң сеткил хөөнүн өөртүп туру Магалыг - ла, шак бо ыжык шыпшың өйде Медээ келди....Талыгырда Хамсарадан Тус - ла черниң чурттакчы чон дилег кылган Суурувуста чырык өшкен ат - ла болду Дизель мотор чаазы - биле, кызып тургаш, Машинаның будказынче, киир сөөрткен. Херек чемин, херекселин чүдүрүпкеш, "Хамсара суур кайы сен" - дээш, үнүпкеннер. Тайга черниң агаар - бойдус каржы деп бил. Орук - чирик эртип аары амыр эвес. Дошкун кыштың соогунда, машиналар Шимээн - даажы тайгаларда чаңгыланды. Бо - ла болгай Шурам хөл - даа адаавыста, Кылын доштуг чоорганын шугланыпкан. Ишкээр хандыр улуг тынып, хаарыктаарга, Кылын уйгу чассытпышаан, өпейлей-дир Делегейде дески чүве турар эвес Хөлдүң кырын каржы шуурган хөртүктеп каан. Машиналар бурунгаарлап, чүткүп чадаан. Хөртүк хары удурлангаш чыдывыткан. Дошкун соогу чыккылады хаарып турда, Доса - доңа чаактарын дүрбүвүшаан,... Хөртүк харны бөлүк оолдар хүүрек - биле, Дистинчиштир туруп алгаш эже берди. Дүвүлүг хат сыгырбышаан, силгий бээрге, Арын - башты элезин хар улдай берди. Аралаштыр дистинчипкен бөлүк оолдар Алдыртпайын шуудай берген эжип турлар. Караңгы дүн дүжүп кээрге, оруун углай Кызаа черде, дыттар, пөштер аразында, Кыстырдыпкан машиназын албадап - ла, Берге черден адырылгаш, шимчеп үндү. Көвей хардан эрип баткан сарыг суглар. Чеже катап оруктарга шаптык болду. Чеже дугуй орук - ара чарылбаан дээр... Чолаачылар септевишаан, кылып алыр. Аа богда, база бирээ техниказы Мотор даажы өжүп читкеш, сураг барды... Караңгы дүн дүмбейинде, фонарь туткаш, Чырытпышаан чылдагаанын хынай берди. Доңуп - дожап сириңейнип турар - даа бол. Бөлүглешкен кушкаштар дег, чолаачылар. Боттарының санал - үлүүн сайгаржып - ла... Дораан кылгаш узун оруун улаштырды. Тайга черниң оруу берге хая- даштыг Чуга доштар кыры - биле, эртер апаар. Чолаачылар шыдамыындан херек чорук Чогуттунуп, аайлажып тиилеп үнер. Дээр чырып долгандыр - ла, тода көстүп, Дүрген шимчээн машиналар ужурундан. Шаараңнашкан хадың, дыттар, хараганнар Шөйүлбүшаан, чоорту ырап чыдып кагды. Мурнувуста бо - ла, болгай Хамсара суур Хоолайлардан үнген ыштар дээрже чүткээн. "Моорлаңар кириңер"- деп, менди эрээн Чылыг, чымчак сеткил - биле, уткуп алды. Шыпыраңнаан карактарлыг сумка чүктээн Школачылар сонуургалы хей - аът кирип. Келген чүъктү четтикпейин манавышаан, Кезе көрүп шимээргежип иткилешти. Ам - на чүү боор мастер оолдар кысканындан Дизельдиг генератор тургустунган. Бажыңнарже чырыын дораан бериптерге, Хамсараның арат - чону аажок өөрээн. Ырак - узак хемчээл аайын алыр болза, Тожу черниң девискээри дендии улуг. Ында суурлар аразының ыраа аттыг Аралажып аргыжары дыка берге... Хамсара, Сыстыг - Хем, Ырбан, Адыр - Кежиг Тоора - Хем кадыр элде Ий сууру. Кандыг дээр боор, албан бирээ чырык өжер. Коштунчупкаш, шуужуп алгаш, дораан үнер. Эрзин - Качык, Улуг Тожу, Мөңгүн - Тайга Бий - Хемниң Севи, Хүт, Кунгуртуг Электрилиг чырык - биле, хандырар дээш, Бүгү күжүн берип чоруур кымнарыл ол ??? Ак - көк Тывам девискээрде, кожууннардан Аңгы - аңгы суурларындан чедип келген. Ажыл - ишке дадыккан - на, Тыва оолдар Аразында, эптиг- демниг коллектив ол.. Бүдүн чылдың кывар - чаар бүдүмели Чеже тонна солярканы сөөртпээн дээрил??? Чаңгыс арга чүгле кышкы үелерде, Черниң доңун орук кылгаш, шуужуп чедер. Тывавыстың девискээрде "ООО Дизель" Талыгырда ырак черде, суурларже Үнүп барып,чеде бергеш чырыктарын Үргүлчү - ле, септевишаан өөртүп чору. Чону дээштиң карак кызыл ажыл кылган. *ООО Дизель" шыдамыккай оолдарын Удуртукчу улуг дарга коллективтиң Ондар Ужар - оол Александрович ол - дур. Бедик баштыг Мөңгүн - Тайгаң бойдузунга, Дадыктырып өзүп келдиң Александрович Бергелерден чалданмайын удур бастың Мөгеннерлиг Мөңгүн - Тайга оглу болгаш...