Говоров, СӨ норуотун маастара Елисей Баишев иилээн-саҕалаан тэрийистилэр. — 6 марта 2026 г. в 14:21:54.651
Говоров, СӨ норуотун маастара Елисей Баишев иилээн-саҕалаан тэрийистилэр. “Узоры Якутии” үс күн устата ыытыллыбыт уран тарбахтаах иистэнньэҥнэр күрэхтэригэр Дьанхаадыттан СӨ норуотун маастара Александра Артемьева дьэрэкээн оҕуруону, быысабайы, кыбытан-аттаран, синньэлээн көрүөхтэн кэрэ паннону тигэн “Разнообразие техник в изготовлении” хайысхаҕа кыайыылаах таҕыста. Сахабыт Сиригэр норуот маастарын күнүгэр анаммыт “Якутия мастеровая” түһүлгэ сабыллыытын дьоро тэрээһинэ СӨ бырабыытылыстыбатын дьиэтин киэҥ, сырдык саалатыгар ыытылынна, СӨ култууратыгар уонна духуобунай сайдыытыгар министр Афанасий Ноев эҕэрдэлээн туран Хаптаҕайтан Мария Сивцеваҕа, 3 Мэлдьэхситтэн Виктория Свинобоеваҕа СӨ уус-уран оҥоһуктарын маастара албан ааттары туттартаата. “Якутия мастеровая” быыстапка-дьаарбаҥка түмүгүнэн бастыҥнары “Симэх” норуот уус-уран оҥоһуктарын национальнай киинин салайааччыта Яна Игнатьева эҕэрдэлээтэ уонна ситиһиилээхтэр наҕараадаларын туттартаата: “Сыахайдар” хайысхаҕа “Мэҥэ Сыахай” түмсүү, сал: Лидия Николаева 3 үрдэл, Василий Андросов 1 үрдэл кыайыылаах. “Кыл –сиэл” хайысхаҕа “Төрүт үгэһи тутуһуу” анал аат Мария Сивцева Хаптаҕай, “Төрүт үгэһи сөргүтүү” анал аат Валентина Березкина Мэҥэ нэһилиэгэ. “Туой оҥоһук” хайысхаҕа “Сатабыл” анал аат Марина Оконешникова, Нөөрүктээйи. “Төрүт иис” хайысхаҕа “Төрүт үгэһи тутуһуу” анал аат Александра Артемьева Дьанхаады. “Түүлээхтэн оҥоһуктар” хайысхаҕа “Өбүгэ үгэһин үйэтитии” анал аат Светлана Корнилова 2 Наахара. “Туос оҥоһуктар” хайысхаҕа Мария Сивцева Хаптаҕай, “Муос оҥоһуктар” хайысхаҕа Татьяна Неустроева Дьанхаады, “Тимиртэн оҥоһуктар” хайысхаҕа Петр Аргунов Төҥүлү дипломнары ыллылар. Бу курдук үс күн устата ыытыллыбыт “Якутия мастеровая” өрөспүүбүлүкэтээҕи быыстапка-дьаарбанҥа кыттыыны ылбыт биир дойдулаахтарбытыгар, бары биир киһи кэриэтэ, түмсүүлээхтик өрө көтөҕүллэн сылдьан Мэҥэ Хаҥалас улууһун аатын көмүскээбит, ситиһиилэммит, кыайыыламмыт уран тарбахтаах иистэнньэҥ, уус , айар талааннаах дьоммутугар төлөннөх эҕэрдэбитин, барҕа махтал тылларбытын аныыбыт! Гавриил Колесов аатынан Олоҥхо Дьиэтин салайааччыта Айта Васильева.