Хаҗ гамәлләрендә бик күп фазыйләтләр бар, һәм аларның һәркайсында тирән хикмәт яшеренгә... — 1 июля 2026 г. в 14:40:01.356
Хаҗ гамәлләрендә бик күп фазыйләтләр бар, һәм аларның һәркайсында тирән хикмәт яшеренгән. Бу гамәлләрнең мәгънәсен дөрес аңлаган кеше олуг нигъмәткә ирешә. Мәсәлән, кеше хаҗ сәфәренә чыкканда, ул Аллаһка һәм ахыйрәт дөньясына сәфәр кылуны искә төшерә. Дусларын, хатынын, балаларын, туган җирен калдыра, һәм беркөнне мәңгелек тормышка күчкәндә дә алар белән аерылачак. Сәфәр өчен, изге җиргә барып җитәрлек итеп, юл азыгы ала. Шулай ук Раббысына сәфәрендә дә аңа ныклы азык кирәк була. Аллаһы Тәгалә болай ди: «Юл азыгы алыгыз, ләкин иң хәерле юл азыгы – тәкъва» (Коръән, 2:197). Ихрам кию кешегә кәфенне искә төшерә. Хаҗи гадәти киемнәрен калдырып, Аллаһ каршында башкалар белән тигез хәлдә кала, кыямәт көнендә кешеләрнең байлык-дәрәҗәсез терелтелүен хәтерләтә. Ихрамдагы тыюлар сабырлыкка һәм нәфесне тыя белергә өйрәтә. Гадәти вакытта хәләл булган нәрсәләрдән тыелу – Аллаһ әмерләренә буйсынуны тәрбияли. “Мөхәммәдия” мәдрәсәсе мөгаллиме Айрат хәзрәт Яруллин