Пәйгамбәрнең өч догасы🤲 — 29 июня 2026 г. в 14:30:02.754
Пәйгамбәрнең өч догасы🤲 Кешедә булган күркәм холык - Аллаһының бер нигъмәте. Шуңа күрә, Аллаһыдан бәхет, муллык, саулык сорау белән бергә һәрдаим төзек әхлак та сорарга кирәк. 1. Сөекле пәйгамбәребез намаз эчендә (кыямда "Фатиха" алдыннан) шундый доганы кылган: "Йә, Аллаһ, миңа күркәм гамәлләр һәм күркәм холыклар бир. Әлеге нигъмәтләрне Синнән башка һичкем бирә алмас. Мине яман гамәлләрдән һәм холыклардан сакла. Алардан Синнән башка һичкем саклый алмас» (әнНәсәи риваяте). 2. Пәйгамбәребез Раббысына: "Йә, Аллаһ, мине яман эшләрдән, холыклардан һәм нәфестән сакла", - дип ялварган (Имам Тирмизи риваяте). 3. Шулай ук пәйгамбәребез: «Йә, Аллаһ, халкымны (тышкы кыяфәтемне) күркәм рәвештә бар кылган кебек, минем холкымны да (эчке халәтемне) күркәм кыл», – дип дога кылган (Имам Әхмәт риваяте). Йә, Раббым, безләрнең холыкларыбызны күркәм кыл.🤲 Йосыф хәзрәт Дәүләтшин Догалы йорт Макста