🌞бүгүн, ыам ыйын 20 күнүгэр улуустааҕы "Тааттабын холустаҕа хоһуйабын" диэн маҥнайгы к...
🌞бүгүн, ыам ыйын 20 күнүгэр улуустааҕы "Тааттабын холустаҕа хоһуйабын" диэн маҥнайгы конкурс- пленэр бэрт өрө көтөҕүлүүлээхтик, сэргэхтик буолла. Эдэриттэн эмэнигэр тиийэ баҕалаах оҕолор, улахан дьоннор, учууталлар кыттыыны ыллыбыт. Туора- күөлтэн, Тааттатааҕы лицейтан, Сатабыл оҕо айымньытын дьиэтиттэн оҕолор, учууталлар ону таһынан убаастыыр Любовь Петровнабыт кыттан оҕолорго сүбэ- саргы тылларын анаан эппитэ тэрээһиммитин олус киэргэттэ ис хоһоонун ситэрдэ. Оҕолор Любовь Петровна уруһуйдуурун олус сэргии, астына көрдүлэр. Араас элбэх кыраһыабай, көрүөхтэн кэрэ хартыына бөҕө айылынна. Оҕолор тулалыыр эйгэни кэрэхсии көрөллөрүгэр, айылҕаҕа чыычаах ырыатын истэ олорон уруһуйдууллара ис эйгэлэригэр үтүөнэн эрэ дьайара саарбаҕа суох. Оҕолор уруһуйдуур буочардарыгар учууталлара сатабыллаахтык үөрэтэрэ чыҥхатык көстөр. Ол курдук лицей үөрэнээччитэ Уварова Дарья, Туора- күөл үөрэнээччитэ Кузьмина Нарина киһи сөҕө астына көрөр уруһуйдарын оҥорон таһаардылар. Учууталлара Мария Константиновна, Анна Артуровна үөрэтэр таһымнара үрдүгүн туоһута буолаллар . Инникитин маннык тэрээһини сылын ахсын ыытыахпыт диэн былааммытыгар ылынныбыт. Бары кыттыбыт оҕолорго, учууталларга, кэрэни кэрэхсиир дьоммутугар истиҥ махталбытын тиэрдэбит.