🇷🇺 «Солдатка чагаа» акция: маадырларның харыызы — 27 мая 2026 г. в 07:09:18.811
🇷🇺 «Солдатка чагаа» акция: маадырларның харыызы Тываның школачылары «Солдатка чагаа» бүгү-российжи патриотчу акцияга идепкейлиг киришкеннер. Уругларның сагыш-сеткилди доюлдуруптар чагаалары Төрээн чурт камгалакчыларында четкен. А олар боттарының талазындан чаштарга өөрүп четтиргенин илереткен. Ол дугайында Кызыл хоорайда 20 дугаар школаның директору Сылдыс Монгуш бодунуң блогунда бижээн. Сылдыс Монгуш, Кызыл хоорайда 20 дугаар школаның директору: 🗯 «Уругларның чагаалары Төрээн чуртувустуң камгалакчыларында чедип турар. Тускай шериг операциязының киржикчилеринден медээни алдывыс. «Адыг» кыйгы аттыг дайынчы бистиң өөреникчилеривиске өөрүп четтиргенин илереткен чагаажыгашты чоруткан». Школа директорунуң дыңнатканы-биле алырга, Шагаа байырлалының мурнунда Курск облазынче гуманитарлыг дуза-биле кады уругларның чагааларын чоруткан. Бө хүнде дайынчылардан харыы келген – оларга бажыңындан деткимче кайы хире чугула херегиниң демдээ. Акцияга идепкейлиг киришкен школачыларга болгаш башкыларга школаның коллективи четтиргенин илередип турар. 🗯 «Солдатка чагаа» акцияга киришкен уруг бүрүзүнге, башкыларга четтиргенимни илередип тур мен. Шупту кады бис. Тиилелге бистии болур» - деп, директор демдеглээн. Мы в ВКонтакте | Мы в MAX