🔆 Уругларже сагыш салыышкын - кол айтырыг — 26 июня 2026 г. в 02:22:53.389
🔆 Уругларже сагыш салыышкын - кол айтырыг Уругларның чайгы дыштанылгазы кезээде онза хыналдага турарын сагындыраал. «Шолбан-Ак» дыштанылга лагеринче Барыын-Хемчик кожууннуң чагыргазының даргазы Мерген Хомушку база Төлээлекчилер хуралының даргазы Артур Ооржак үнүүшкүннү кылган. Кожууннуң удуртукчулары лагерьде дыштанып келген уругларга таарымчалыг байдалдар тургустунганын хынавышаан, уруглар-биле чугаалашканнар. Оолдар, уруглар-биле ужуражылга үезинде кожуун чагыргазының даргазы Мерген Хомушку «Айыыл чок чай» темазынга өөредиглиг лекцияны чоруткан. Уругларга оюн хевиринге орукка, хем-суг эриинге, амыдыралда бодун алдынарының дүрүмнерин сагындырган. Уруглар аалчыларны өөрүшкү-биле уткуп ап, сонуургаан айтырыгларын салганнар. Оон аңгыда удуртукчулар лагерьниң материал-техниктиг баазазын хынаан. Онза кичээнгейни аъш-чем шыгжаар складтар болгаш видео-хайгаарал системазынче углаан. Каас-чараш бойдус-чурумалдыг черде «Шолбан-Ак» стационарлыг дыштанылга лагери бо хүнде уругларның долу дыштанылгазынга болгаш хөгжүлдезинге бүгү таарымчалыг байдалдарны тургускан. Удуртукчуларның хыналдазы – уругларның чайгы дыштанылгазы чүгле солун эвес, а айыыл чок болурун чедип алыр сорулгазы. Мы в ВКонтакте | Мы в MAX