⛱ «Шолбан-Ак» лагеринге ажык эжиктер хүнү: ада-иелер-биле харылзаа — 16 июля 2026 г. в 03:08:54.430
⛱ «Шолбан-Ак» лагеринге ажык эжиктер хүнү: ада-иелер-биле харылзаа Барыын-Хемчик кожууннуң девискээринде «Шолбан-Ак» стационарлыг лагерьге ада-иелерниң Ажык хүнү эрткен. 36 ада-ие лагерьде уругларының дыштанып турар байдалын көөрү-биле чедип келген. Лагерьниң ажылдакчылары ада-иелерге уругларның чурттап турар өрээлдерин, столоваяны, спортчу шөлдерни көргүскен. Ол ышкаш ээлчегниң өөредиглиг болгаш оюн-тоглаа программаларын таныштырган. Ада-иелерниң сонуургаан айтырыгларынга долу харыыны берген. Уруглар ада-иези-биле солун хүннү эрттирген: спортчу оюннар, каткы-хөг үзүктелбээн. 💭 «Ада-иелер-биле дорт харылзаа биске чугула херек. Өг-бүле бүрүзү уруг-дарыының дыштанылгазы, сайзыралы дээш сагыш човап турар. Ада-иелерниң чагыг-сүмези канчаар-даа аажок үнелиг» - деп, лагерьниң ажылдакчылары демдеглээн. Мы в ВКонтакте | Мы в MAX