🏹 «Чодураа» лагеринге ча адарынга мастер-класс эрткен — 25 августа 2026 г. в 10:36:21.897
🏹 «Чодураа» лагеринге ча адарынга мастер-класс эрткен Улуг-Хем кожууннуң ча адар федерациязының төлээлери «Адалар болгаш уруглар» муниципалдыг төлевилел ёзугаары «Чодураа» лагеринде уруглар-биле ужуражылганы эрттирген. Аалчылар тыва спорттуң база бир хевири – ча адарынга мастер-классты организастаан. Мастер-класс үезинде айыыл чок чоруктуң техниказынче кол кичээнгейни углаан: оолдар, уруглар ча адып тургаш, шын турарын, тынарын, согунну шын тударын өөренгеннер. Ужуражылганың практиктиг кезээнде арга-дуржулгалыг спортчуларның удуртулгазы-биле уруглар чаны адып шенээннер. Дыка хөй уруглар, оолдар тыва чаны бир дугаар адып шенээн. Каш-ла хонгаш чаа өөредилге чылы эгелээр. 2026 чылдың чайгы дыштанылгазы уругларга уттундурбас болуп артканы чугаажок. Мы в ВКонтакте | Мы в MAX