⛳ Кадыкшыл хүнү: Турслёттуң киржикчилери - үшкү классчылар
⛳ Кадыкшыл хүнү: Турслёттуң киржикчилери - үшкү классчылар Бөгүн Кызыл хоорайның 9 дугаар гимназиязынга өөреникчилер ортузунга кадык амыдыралды суртаалдаары-биле база күш-культура болгаш спортка уругларның сонуургалын оттурар сорулгалыг турисчи слёт эрткен. Ук спортчу хемчегни Тывада чарлаттынган Тургузукчу күш-ажыл болгаш өг-бүле ыдыктарының чылынга тураскааткан. Гимназияның эге болгаш ортумак класстарынга турисчи слёт школа чанында чаа салдынган спортчу шөлүнге эрткен. А үстүкү класстың өөреникчилери Дөгээ даанче үнгенин сагындыраал. Белек Буянды, 3 «б» класстың өөреникчизи, «Удача» команданың капитаны: 🗯- Бис бо чылын канат тыртар маргылдаага бирги черни ээледивис. Эрткен чылын, 2 класс тургаш, турслётка бирги черни ээлээн бис. Келир чылын эки киржир дээш белеткенир бис. Клазывыс башкызы Тая Дадар-ооловна Хертек биске спортка ынак болур деп өөредип турар. Мы в ВКонтакте | Мы в MAX