🌟«СҮРЭХ СЫЛААҺЫН ИҤЭРЭН...» быыстапка чэрчитинэн ураты уhуйуу дьарыктара аастылар!
🌟«СҮРЭХ СЫЛААҺЫН ИҤЭРЭН...» быыстапка чэрчитинэн ураты уhуйуу дьарыктара аастылар! Алтынньы ый 3 күнүттэн ыла, Культура сылыгар, Эбии үөрэхтээһин эйгэтин үлэһиттэрин сөп түбэһиннэрэн Саха Өрөспүүбүлүкэтин уус-уран оҥоһуктарын норуотун маастара Яковлева Л.А. «Сүрэх сылааһын иҥэрэн...» анал быыстапкатын ситэрэн-хоторон, «Симэх» национальнай киинигэр Дьокуускай куорат олохтоохторугар анаан уһуйуу дьарыктара олус сэргэхтик буолан аастылар.👏🏻 Саха төрүт үгэһин сайыннарар ураты дьарыктары Ф.И. Авдеева аатынан Оҕо айымньытын дыбарыаһын уран тарбахтаах, үрдүкү категориялаах педагог-уһуйааччылар: Мария Попова, Tатьяна Данилова, Вероника Бубякина, Евсей Иванов сатабыллаахтык ыыттылар. Кыттааччылар араас хайысхалаах ураты техникалары – сылгы кутуругуттан дэйбиир киэргэлин оҥорууга, кылынан түөрт кырыылаах өрүүгэ, ону тэҥэ аныгылыы «Этно-штамп» уонна «Айылҕалыын бииргэ» таҥаска ойуу түһэриигэ үөрэнэн, уран уопуту баһылаатылар.🤩 Күндү коллегаларбытыгар баҕарабыт айымньылаах үлэҕит өссө да сайда турдун! Эһиги сылаас сүрэххитинэн, угуйбут айымньылаах үлэҕит өссө да сайда, саҥа айар үрдэллэри баһылыы турдун!✨ МАХ-канал ДДТ им. Ф.И. Авдеевой