🪶«Поэзия абылаҥа» айар бөлөх Хаҥалас улууһун музей-оскуолатыгар ыалдьыттаатылар
🪶«Поэзия абылаҥа» айар бөлөх Хаҥалас улууһун музей-оскуолатыгар ыалдьыттаатылар Алтынньы 24 күнүгэр Ф.И. Авдеева аатынан О5о айымньытын дыбарыаhын «Поэзия абылаҥа» айар бөлөх оҕолоро, төрөппүттэр, педагогтар Хаҥалас улууһун үөрэҕириитин историятын кэрэһэлиир түмэл (музей) оскуолаҕа ыалдьыттаатыбыт.🤩 Биһигини түмэл салайааччыта Валентина Ноговицына көрсөн, олус интэриэһинэй историческай чахчылары кэпсээн, үөрэнээччилэр сөҕө-махтайа иһиттилэр. ХХ-с үйэ саҕаланыыта, 1914 сыллаахха, Ыраахтааҕы ыйааҕынан тутуллубут оскуола дьиэтигэр Саха республикатын маҥнайгы Президенэ М.Е. Николаев үөрэммитин истэр, оҕолорго эмиэ биир ураты түгэн буолла. Бу күн, музей-оскуолаҕа, Ф.И.Авдеева аатынан оҕо айымньытын дыбарыаһын үбүлүөйдээх сылын көрсө Софрон Петрович Данилов «Сүрэх тэбэрин тухары» романынан туруоруллар, испиктээк ис хоһоонунан хаартыскаҕа, видеоҕа уһуллуу үлэтэ ыытылынна. Оҕолор, оччотооҕу кэм тыынын өйдөрүгэр-сүрэхтэригэр хатаан, иҥэринэн кэллилэр. Бу үлэ түмүгэр, уйулҕаларыгар иҥэриммит ураты умнуллубат түгэннэрэ, ааспыты кытта билиҥҥини ситимниир история кэрчиктэрин чахчыларын туһунан ылбыт билиилэрэ, испэктээккэ оонньуулларыгар тирэх, көмө буолуоҕа. Историяны уонна дьыл-кэм эргиирин ситимниир «Айан педагогиката» бырайыак уочараттаах айаныгар тэрийэн ыыппыт, Оҕо айымньытын дыбарыаһын администрациятыгар, директорбытыгар Татьяна Ивановаҕа, ону таһынан, Дьокуускайдааҕы 18-с нүөмэрдээх оскуола директорыгар Алексей Петровка, Дьокуускайдааҕы үөрэх салалтатын администрациятыгар уонна оҕо айанын хааччыйар автобус суоппарыгар Альбер Долбараевка оҕолор уонна төрөппүттэр ааттарыттан махталбытын тиэрдэбит.💫 Маны таһынан, «Сүрэх тэбэрин тухары» уус-уран туруоруу бырайыага олоххо киирэригэр өйөбүл буола сылдьар, уус-уран ойуулуур, «Айылгы» этнокултуура кииннэрин уонна маассабай үлэ отделын салайааччыларыгар, педагогтарыгар махтанабыт.✨ МАХ-канал ДДТ им. Ф.И. Авдеевой