🔹Сомоҕо субуотунньук — 26 июня 2026 г. в 12:04:46.552
🔹Сомоҕо субуотунньук Улуус дьаһалтатын көҕүлээһининэн киэҥ ньуурдаах Майа алааһын күрүөлээһин үлэтэ ыытылла турар. Улахан субуотунньук «Биир ньыгыл Арассыыйа» баартыйа «Үтүө дьыала» бырагырааматынан тэрилиннэ. Улуус дьаһалтатын, оройуон тэрилтэлэрин эр дьоно 8000 кэриҥэ сиэрдийэлээх 10 килэмиэтир сири күрүөлээһин сомоҕо үлэтигэр көхтөөхтүк кытталлар. Күрүөлэнэр сиргэ сүөһүнү иитиинэн дьарыктанар, хаһаайыстыбалаах «Чүүйэ» тэрилтэ ходуһата уонна бааһыната киирэр. Инникитин хаһаайыстыба бу сиргэ сүөһү эбии аһылыгын ыһар былааннаах. Хаһаайыстыба 400-тэн тахса сүөһүлээх, ол иһигэр 150 ыанар ынахтаах. Ыам ыйын түмүгүнэн 309 туонна үүтү туттарда, күннээҕи үүттэрэ 2, 450 туоннаҕа тэҥнэһэр. Гаврил Толстяков, улуус баһылыгын солбуйааччы: Майа алааһын күрүөлээһин үлэтэ үһүс сылын ыытыллар. Тэрилтэлэр бука бары иккилии килэмиэтир сири үллэстэн олус көхтөөхтүк, тэрээһиннээхтик кытта сылдьаллар. Уопсайа 3,5 тыһыынча остуолба туруоруохтаахпыт, 200 гектар иэннээх сир күрүөлэниэхтээх. Бүгүн Майа дьаһалтатын эр дьоно субуотунньуктуу сылдьаллар. Үгүс эрилтэлэрбит үлэлэрин түмүктээн, бигэ туруктаах күрүөнү туттардылар. Инникитин Майа алааһыгар хаһаайыстыбаҕа, сүөһүгэ аналлаах ходуһаны оҥоро сылдьабыт. Кэлиҥҥи сылларга бу сир күрүөтэ суох, мэччирэҥҥэ турбута. Бу курдук кэскиллээх хамсааһын, сомоҕо субуотунньук улууспутугар тыа хаһаайыстыбатын сайдыытын бырагырааматыгар тиһиктээхтик киирэр. Иннокентий Андросов, оройуон дьокутааттарын сэбиэтин бэрэссэдээтэлэ: Күргүөмнээх үлэ тыа хаһаайыстыбатын сайдыытын бырагырааматынан сүөһүнү итиинэн дьарыктанар хаһаайыстыбалаах «Чүүйэ» тэрилтэҕэ бигэ тирэх буолар. Бу субуотунньук «Биир ньыгыл Арассыыйа» баартыйа «Үтүө дьыала» бырагырааматынан дьону-сэргэни сомоҕолуур инникилээх хамсааһына буолар. Төрөөбүт дойдуларыгар бэриниилээх эр дьон, улууспут көхтөөх тэрилтэлэрин кэлэктииптэрэ үлэлэриттэн быыс булан, өрөбүллэрин аахсыбакка субуотунньукка тахсаллара инникигэ эрэли үөскэтэр. Изабелла Романова #ЕдинаяРоссия #ЕР14 #ПартияРядом14 @gazetaerkeii @ulusmedia