Быыстапкатын иккис түһүмэҕэ "Оонньоммотох оҕо сааһым" тиэмэҕэ ананна — 30 мая 2026 г. в 05:53:05.076
Быыстапкатын иккис түһүмэҕэ "Оонньоммотох оҕо сааһым" тиэмэҕэ ананна 🖼 Улуустааҕы киин поликлиника аактабай саалатыгар РСФСР үөрэҕириитин туйгуна, тыыл, үлэ бэтэрээнэ, СӨ норуотун маастара, худуоһунньук, муосчут, СӨ Ил Дарханын истипиэндьийэтин, “Дархан Уус”, “Удьуор Уус” бэлиэлэр туһааннааҕа, Майа сэлиэнньэтин, Дьабыыл нэһилиэгин Бочуоттаах олохтооҕо Николай Семенович Баишев айар үлэтин быыстапката туруоруллубута. 🧑🏼🎨 Николай Баишев быыстапкатын бастакы түһүмэҕин булт тиэмэтигэр анаабыта. Оттон билигин иккис түһүмэх “Оонньоммотох оҕо сааһым” диэн тиэмэҕэ турда. Быыстапка сайын устата үстэ уларытыллан туруоҕа диэн тэрийээччилэр эттилэр. 🎨 Сэрии ыар сылларыгар оҕо сааһа ааспыт ытык киһи, айылҕаттан талааннаах худуоһунньук, муосчут, удьуор уус ураты кэрэхсэбиллээх үлэлэрин көрүҥ, сэргээҥ. @gazetaerkeii @ulusmedia