🏥 Мэҥэ Хаҥаласка доруобуйа харыстабылыгар 15 эдэр исписэлиис үлэлии кэллэ
🏥 Мэҥэ Хаҥаласка доруобуйа харыстабылыгар 15 эдэр исписэлиис үлэлии кэллэ 💉 Бүгүн, алтынньы 7 күнүгэр, Майа сэлиэнньэтигэр улуустааҕы поликлиникаҕа «Эдэр исписэлиистэри идэҕэ анааһын» үөрүүлээх тэрээһин буолла. 🩺 Быйыл улуус доруобуйа харыстыбалыгар 15 эдэр үлэһит кэллэ. Саҥа үөрэхтэрин бүтэрбит маҥан халааттаах аанньалларга улуустааҕы киин балыыһа кылаабынай бырааһа Иннокентий Павлов, доруобуйа харыстабылын бэтэрээннэрин уонна аҕа көлүөнэ аатытттан Февронья Скрябина, улуустааҕы киин балыыһа биэлсэрэ, биир идэлээхтэр сойуустарын бэрэссэдээтэлэ Иван Пивоваров эҕэрдэ тылларынан анаатылар, үлэлэригэр ситиһиилэри баҕардылар уонна үлэ хаамыытынан мунаарар боппуруостарыгар күүс-көмө буоларга бэлэмнэрин биллэрдилэр. 💊 Үтүө үгэс быһыытынан эдэр исписэлиистэр биир идэлээхтэрин ытыстарын тыаһынан настаабынньыктарын илиититтэн маҥан халааттарын кэтэн, андаҕар тылларын эттилэр. 👨🏻⚕️ Иван Пивоваров: – Киин балыыһа кэлэктиибигэр үөрүүлээх күн буолла – биһиэхэ үөрэхтэрин бүтэрэн 15 саҥа исписэлиис кэллэ. Аллараа Бэстээххэ учаастактааҕы педиатр бырааһынан Нарыйа Афанасьева, суһал көмө биэлсэринэн Агнесса Иванова, Гаврил Охлопков, Виктория Андреева, оскуола биэлсэринэн Анна Маркова, Айталина Васильева, Ирина Артемьева, Хорообукка биэлсэринэн Любовь Прибылых, улуустааҕы поликлиникаҕа медсиэстирэнэн Анджелина Черкашина, Прасковья Охлопкова, Тараҕайга биэлсэринэн Сардаана Яковлева, Тумулга биэлсэр сэдиэдиссэйинэн Айсена Птицына, хирургия отделениетыгар эпэрээссийэ медсиэстэрэтинэн Эмилия Пестрякова, физиотерапия уонна эндоскопия отделениетыгар медсиэстэрэнэн Оксана Кириллина, 1-кы Тыыллымаҕа медсиэстэрэнэн Татьяна Миронова ананан үлэлэрин саҕалаатылар. Эдэр исписэлиистэрбит нэһилиэктэргэ дьон-сэргэ доруобуйатын харыстабылыгар үчүгэй үлэһит буолан тахсыахтара диэн эрэнэбит. @gazetaerkeii @ulusmedia