"Аек авыл" республика конкурсында җиңү яулаган Ялдәк авылында 25 июль көнне "Ялдәк авыл... — 26 июля 2026 г. в 07:52:58.146
"Аек авыл" республика конкурсында җиңү яулаган Ялдәк авылында 25 июль көнне "Ялдәк авылы үзенең дусларын җыя" дигән бәйрәм үзды. Чараны авылның игелекле гаиләләренең берсе - Зариповлар оештырды. Бәйрәм зур масштабта үтте. Төрле төбәкләрдән кайткан һәм шушы бәйрәмгә килгән кунакларны район хакимияте башлыгы Рушан Гәрәев сәламләп, урындагы халыкка "Аек авыл" конкурсында катнашып, җиңү яулаганнары өчен Гәүһәрия белән Әхләф Зариповларның инициативасын күтәреп, бүгенге чараны оештырганнары өчен зур рәхмәтләрен белдерде һәм бер төркем активситларга район хакимиятенең Мактау грамоталарын һәм бүләкләрен тапшырды. Артабан республикадан килгән абруйлы кунаклар да Ялдәк авылы халкына һәм бәйрәм оештыручыларга рәхмәт сүзләрен әйтте. Сабантуй мәйданында бик күп күргәзмәләр дә һәм Ялдәк авылының үрнәкле, күпбалалы гаиләләренең тирмәләре дә бар иде. Килгән кунакларның һәрберсе шушы тирмә хуҗаларының тарихы белән танышты. Шулай ук чарага зур мәгънә биргән Йәлдәк ыруы тирмәсе күпләрне үзенә җәлеп итте. Бәйрәм милли уеннар, күңелле концерт программасы белән үрелеп барды. Фото: Гөлназ Хуҗина