✅Бүгүн Дьокуускай куоракка Комсомольскай болуоссакка үгэс буолбут сайыҥҥы үлэ түмүктэри...
✅Бүгүн Дьокуускай куоракка Комсомольскай болуоссакка үгэс буолбут сайыҥҥы үлэ түмүктэрин таҺаарар, бэйэ бородууксуйатын дьоҥҥо-сэргэҕэ таҺаарар ас -үөл дьаарбаҥката түмүктүүр күнэ. Дьаарбаҥкаҕа Амма улууҺун оҥорон таҺаарааччылара эмиэ көхтөөх кыттыыны ылан бородууксуйаларын хамаҕатык батардылар. Амма улууҺун тыатын хаҺаайыстыбатын салалтатын салайааччыта Ион Кононов бэлиэтээбитинэн, Амма бородууксуйата атыыга үчүгэйдик барар, дьон-сэргэ сэҥээриитин ылла. Ол курдук аан бастаан кыттыбыт "Абагаагро" ХЭТ, Олесовтар дьиэ кэргэн аммалларын бурдуга, "Амма" СППК сыыра, арыыта, Мария Иванова козаттан бородууксуйата, Евгений Павлов халбаҺыыта уонна да атыттар аҕалбыт бородууксуйаларын дьаарбаҥка ыалдьыттара үөрэ-көтө атыыласпыттар. Үөрүүлээх чааска сылгыны үөрдээн иитиигэ бастыҥ көрдөрүүлэнэн Амма улууҺа 3-с степеннээх дипломунан, Сэргэ Бэстэн Александр Фомин "Бастыҥ хортуоппуй үүннэрээччи" номинация ылан дипломунан наҕараадаланнылар. Маны сэргэ бүгүн быыстапка түмүктэрин таҺаарар үөрүүлээх чааска " Абагаагро" ХЭТ "Народный выбор: масло сливочное" диэн амсайыы күрэҕэр 2-с степеннээх дипломунан, "Амма" СППК "Народный выбор: сыр и сырная продукция" диэн амсайыы күрэҕэр 3 -с степеннээх дипломунан, ону тэҥэ "За производство высококачественного сыра и сырной продукции" номинацияҕа 2-с степеннээх диплом хаҺаайыннара буоллулар. Онтон агрооскуолалар күрэхтэригэр Алексей Никитин дириэктэрдээх 3-с степеннээх дипломант аатын сүктэ. ✅Бары кыайыылаахтары эҕэрдэлиибит!👏👏 @amma_olo5o @ulusmedia