✅Бүгүн Покровкаҕа кэрэ бэлиэ түгэн тосхойдо. Олохтоохтор ыра санаалара буолбут сынньала... — 2 октября 2026 г. в 08:33:30.961
✅Бүгүн Покровкаҕа кэрэ бэлиэ түгэн тосхойдо. Олохтоохтор ыра санаалара буолбут сынньалаҥ мини парка аһыллар үөрүүлээх түгэнэ буолла.👏👏 ✅Покровкалар бу паркаларыгар бэйэлэрин биир дойдулаахтара, РФ уонна СӨ үтүөлээх тренерэ, өрөспүүбүлүкэҕэ адаптивнай успуорт төрүттээччитэ Борис Прокопьевич Федоров аатын биэрдилэр. Нэһилиэк ортотугар тутуллубут оҕо-аймах, улахан да дьон кэлэн сынньанар, аны Аммаҕа суох скейтбордуур сирдээх, хачыаллардаах парка “Формирование комфортной городской среды” диэн федеральнай бырагыраама көмөтүнэн олоххо киирдэ. Онтон манна баар скейтборд былаһаакката олохтоох көҕүлээһиннэри өйүүр бырагырааманан тутулунна. Нэһилиэк баһылыга Надежда Карпович бэлиэтээбитинэн үтүө киһи аата көмөлөһөн, нэһилиэк олохтоохторо бары турунан, күүс-көмө буолан нэһилиэнньэ ыра санаата олоххо киирдэ. Мини -парканы сэргэ бу иһигэр Борис Прокопьевич олоҕун кэпсиир, элбэх хаартыскалардаах стендэ арылынна.👍👍 ✅Үөрүүлээх тэрээһиҥҥэ олохтоохтору улуус баһылыгын э.т. Василий Бураев, Ил Дархан иһинэн архитектура уонна куорат тутуутун Управлениетын архитектурнай-тутар бырайыактыыр салаа салайааччыта Федора Алексеева, тутууну ыыппыт бэдэрээччит Семен Кривогорницын, Борис Прокопьевич бииргэ төрөөбүт балта Зинаида Тойтонова, оҕолоро Саргылана Савватеева, Владислав Федоров, сиэн быраата Борис Петров, доҕоро Василий Пахомов эҕэрдэлээтилэр.👏👏 ✅Сиһилии бу тэрээһин туһунан сайтка, хаҺыаппытыгар сырдатыахпыт📃🖌 @amma_olo5o @ ulusmedia