Амма Даайыс✒️
Амма Даайыс✒️ ОЛ ОҔО ЭРДЭХХЭ -- УЧУУТАЛ... 🧮📝 (Маҥнайгы учууталбар,Саха АССР үтүөлээх учууталын Евдокия Николаевна Яковлева сырдык өйдөбүлүгэр) Наҥнаһыйар-бэйбэһийэр Ол кыракый саастарга Буукубаардаах,суумкалаах Оскуолаҕа тиийбиппэр Ким миигин көрсүбүтэй? Көрөөт,мичээрдээбитэй? Ол кини -- бастакы учууталым, Кэрэхсээбит кэрэ киһим -- Боруогу атыллыырбар Сымнаҕас илиитин ууммута, Кылаас аанын тэлэччи арыйан, Сирдээн-сиэтэн киллэрбитэ. Арыллар-сабыллар хаппахтаах Паарта малы билсибитим, Сэрэнэн ыттан тахсаммын Дьоһуннанан олорбутум... Үрүҥ-хара фартуктардаах Үгүс да сыллар аастылар, Ол эрэн бастакы учууталым мөссүөнэ Хаһан да өлбөөрбөт сүрэхпэр! 🔔 📖📔 2026 сыл,Амма.
226 просмотров