Ытыктабыллаах Амма улууһун эбии үөрэхтээһинин педагогтара, үлэһиттэрэ!
Ытыктабыллаах Амма улууһун эбии үөрэхтээһинин педагогтара, үлэһиттэрэ! Эһигини идэлээх күҥҥүтүнэн ис сүрэхпититтэн эҕэрдэлиибит! Оҕо-аймах айар дьоҕурун уһугуннарар, сатабылын сайыннарар, олоххо бэйэ суолун буларыгар күүс-көмө буолар улахан үлэҕитигэр ситиһиилэри баҕарабыт. Оҕо бэйэтин эт илиитинэн оҥорон, айан-тутан таһаарбытыттан үөрэн дьолломмут харахтара — бу эһиги үлэҕит саамай үрдүк чыпчаала буолар. Оҕолору иистэнэргэ, туойунан туттарга, маһынан уһанарга, уруһуйдуурга, үҥкүүгэ, ырыаҕа-тойукка, туризм, спорт эйгэтигэр, саҥаттан саҥаны оҥорорго үөрэтэр, уһуйар улахан үлэттэн тахсар. Күн бүгүн биһиги оҕолорбут, педагогтарбыт улууска, өрөспүүбүлүкэҕэ, дойдуга үгүс ситиһиилэринэн, үрдүк көрдөрүүлэринэн үөрдэллэр. Күндү педагогтар, эбии үөрэхтээһин эйгэтин үлэһиттэрэ! Бүгүҥҥү үөрүүлээх күҥҥүтүгэр кылтан кынаттанан, сиэлтэн ситимнэнэн үүнэ-чэчирии, маастарыстыбаҕыт үрдүү, айар-тутар дьоҕургут сайда, саҥа үктэллэри дабайан сонун бырайыактары киллэрэ тураргытыгар баҕарабыт. Илиигит сылааһа уостубатын, айар дьоҕуругут өссө үрдээн истин. Сыралаах үлэҕит сыаналана, иитиллээччилэргит ситиһиилэрэ үөрдэ-көтүтэ турдуннар!👏💐💫 Эҕэрдэни кытта улуус дьокутааттарын Сэбиэтин бэрэссэдээтэлэ Владимир КОЛОСОВ