Убаастабыллаах Аммабыт улууһун олохтоохторо!
Убаастабыллаах Аммабыт улууһун олохтоохторо! Амма улууһун депутаттарын Сэбиэтин уонна тус бэйэм ааппыттан норуот сомоҕолоһуутун Күнүнэн ис сүрэхпиттэн эҕэрдэлиибин! Бу арыый да эдэр бырааһынньык олохпутугар бигэтик киирдэ уонна Арассыыйа дьонун бары көлүөнэлэрин, норуоттарын сомоҕолоото. Биһиэхэ төрөппүттэрбититтэн уонна учууталларбытыттан иҥэриммит, аҕа көлүөнэ дьонтон уонна билиҥҥи кэм дьоруойдарыттан бэриллибит устуоруйа уопсай өйдөбүлэ, улуу кыайыыларбытынан уонна ситиһиилэрбитинэн киэн туттуу, өй-санаа, олох сыаннастара, Аҕа дойдубутугар таптал баар. Устуоруйа саамай ыарахан кэмнэригэр Арассыыйа элбэх омуктаах норуотун сомоҕолоһуута ханнык баҕарар тургутуулары этэҥҥэ ааһарга уонна иннибит диэки эрэллээхтик хардыылыырга көмөлөһөрө. Аммабыт улууһугар элбэх араас омук бэрэстэбиитэллэрэ бааллар, кинилэри кытары бииргэ, биир сомоҕо буолан улууспут сайдыытыгар биир тэҥҥэ бары үлэлиибит, айабыт-тутабыт. Күндү улууспут олохтоохторо, эһиэхэ кытаанах доруобуйаны, үлэҕитигэр ситиһиилэри, дьиэ кэргэҥҥитигэр этэҥҥэ буолууну баҕарабын! Бары үтүөнү кытары Амма улууһун депутаттарын Сэбиэтин бэрэссэдээтэлэ Владимир Владимирович Колосов. https://max.ru/channel_amma_olo5o