Кайчан яшь кызлар көянтә асып су ташырлар иде әле — 12 июня 2026 г. в 12:31:12.016
Кайчан яшь кызлар көянтә асып су ташырлар иде әле Сабантуй мәйданындагы иң күңелле һәм җанлы уеннарның берсе — сулы чиләк белән йөгерү бәйгесе. Анда яшь кызлар да, олы яшьтәге хатын-кызлар да теләп катнашты. Борынгы көнкүрештә киң кулланылган көянтә бүген инде сирәк очраса да, бәйге барышында ул яңадан үз урынын тапты. Катнашучыларга көянтәгә элгән сулы чиләкләр белән билгеләнгән араны мөмкин кадәр тизрәк узарга кирәк иде. Мондый сынауда җитезлек кенә түгел, саклык һәм осталык та мөһим. Чөнки суны түгелдермичә финишка барып җитү һәркемнең дә кулыннан килми. Кызыклы һәм мавыктыргыч бәйге нәтиҗәләре буенча беренче урынга Венера Зарапова белән Гүзәл Әхмәдуллина лаек булды. Икенче нәтиҗәне Элита Сайранова һәм Гөлназ Сөләйманова күрсәтте. Өченче урында — Элина Низамова һәм Алена Биксандаева. Биредәге бәйге тамашачыларга күтәренке кәеф бүләк итте, ә катнашучыларга үзләрен җитезлектә һәм осталыкта сынарга мөмкинлек бирде. ────────────── Комментировать ›