«МӦРЫМ ВЕДРА ТИЧ ПОГЕНАМ…» — 24 июня 2026 г. в 07:15:18.550
«МӦРЫМ ВЕДРА ТИЧ ПОГЕНАМ…» Кеҥеж - идалыкын эн ямле жапше. Йырым-ваш пеледыш пеледеш, олыкышто снеге, пакчаште мӧр кӱыт. Мӧрым кугыеҥат, йоча-влакат йӧратат. Тудын тутло пушыжо, чевер тӱсшӧ, шере тамже... Поян кеҥеж тамле пӧлекше дене мемнам теният уло кумылын куандара. Теве кеҥеж гаяк изи мотор ӱдыр, вич ияш Кира (снимкыште), ик мотор кечын аваж дене пырля йошкар мӧрым ведра тич погеныт. Кочкашат, телылан ямдылашат сита! Елена МАНИКАЕВА колтен. Нефтекамск ола. А те мӧрым, снегым погеда? Оҥай фотода-влакым вучен кодына.
102 просмотров