«ПАСУН КЕЧЫЖЕ» СЕМИНАР ЛИЕШ — 2 июля 2026 г. в 04:06:46.050
«ПАСУН КЕЧЫЖЕ» СЕМИНАР ЛИЕШ «Пасун кечыже» республикысе семинарым тений 10-11 июльышто эртараш палемденыт. Правительствын Премьер-министржын алмаштышыже - ял озанлык министр Ильшат Фазрахмановын мутшо почеш, уржа-сорла тургымлан лӱмлымӧ мероприятийым Башкир кугыжаныш аграрный университетын Уфа воктенсе учебно-научный рӱдерыштыже эртарат. Семинарыш мийыше-влак кызытсе жапын йодмашыжлан вашештыше у техника дене палыме лийыт, пасулаште тӱрлӧ сорт кушкылым ончен куштымо 300 делянкым шымлат, тӱрлӧ агротехнологий, тыгак кундемысе ял озанлык пашаеҥ-влакын паша опытышт дене палыме лийыт. Нине кечылаште тыгак «Трактор-шоу» ден пилотдымо техникын таҥасымашыже-влакым эртарат, увертара Ял озанлык министерство. Людмила ШАВАЛИЕВА.
186 просмотров