ЧОҤЫМО ПАШАШТЕ КӦ ЭН МАСТАР? — 16 июля 2026 г. в 12:57:14.818
ЧОҤЫМО ПАШАШТЕ КӦ ЭН МАСТАР? Башкортостаныште чоҥымо отрасльын пашаеҥже-влак коклаште «Профессийыште эн сай» элысе конкурсын региональный йыжыҥжым эртареныт. Тушто республикын тӱрлӧ олалаж гыч кермычым оптышо 18 пашаеҥ усталыкшым ончыктен. Нуно практический ужашыште, тыгак «охрана труда и технология производства работ» дисицплинылаште теорий шинчымашым ончыктеныт. Мастарлык таҥасымаште «АСБ» ООО гыч Валерий Аймурзин сеҥышыш лектын - тудо «Башкортостанын эн сай каменщикше» лӱмым сулен. Кокымшо вер дене «БГС» трест гыч Анатолий Аптыкаевым, кумшо вер дене «Регионстрой» компаний гыч Гаяз Акимбаевым суапландареныт, увертара БР Чоҥымо паша да архитектура министерство. Таҥасымаш-влак Уфаште «Пьермонт» илыме комплексым чоҥымо площадкыште эртеныт. Нуным «Кадры» нацпроектын «Человек труда» федеральный проектше почеш ямдыленыт да тений Строительын кечыжлан 70 ий теммылан лӱмленыт. Л. ШАВАЛИЕВА. БР Еш, паша да калыкым социально аралыше министерствын ВКонтакте соцлаштыкше гыч налме фото-влак.