АКРЕТ ГОДСО ПАГЫТ… — 21 августа 2026 г. в 06:33:46.565
АКРЕТ ГОДСО ПАГЫТ… Марий калыкын тошто легенда ден йомаклаштыже «Тиде мемнан жап деч ончыч лийын» манмым чӱчкыдын колаш лиеш. Тыгак «Тиде онар-влак жапыште лийын», «Тиде онар-влак деч вара лийын» ой-влакат улыт. Нине ойсавыртыш-влак мыланна раш ойлат: марий наций чумыргымо годым кугезына-влаклан ты мландыште нунын деч ончыч илыше акрет калык да онар-влак дене вашлияш логалын. Тиде тыгак марий-влакын Юл да Урал кундемыш пеш ожно толмыштымат умылтара. XX курымын 20-30-шо ийлаштыжат Ош Виче кундемысе южо марий яллаште ир еҥ, ир насыл да овда насыл-влак вашлиялтыныт. Юл, Чолман да Ош Виче сер мучко акрет годсо чодырам илыме верлан келыштарышыла, марий-влак ожнысек тыште илыше ир еҥ-влак дене вашлийыныт да нунын дене мужыраҥыныт. Тиде пагытыштак «овда» умылымашат шочын. Умбакыже тыгай ссылке почеш лудса👇👇👇 https://cholman.info/articles/istoriy-gych-/2026-08-21/akret-godso-pagyt-4788949