✅️✅️✅️
✅️✅️✅️ 👉Течи ютавтовсь МР-нь Государственной Собраниянь сисемеце тердемань кодгеменце сессиясь. Сонзэ важодемасо ульнесть региононь правительствань члентнэ, властень исполнительной органтнэнь ды местной самоуправлениянь органтнэнь представительтне. ✅️Сессиянть панжизе ды ветясь МР-нь Госсобраниянь Председателесь Владимир Чибиркин. Чинь повесткас совавтозельть зярыя кевкстемат. Васняяк толковавсь «Об исполнении республиканского бюджета Республики Мордовия за 2025 год» кевкстемась. Сонзэ коряс доклад тейсь МР-нь финансонь министрань тевтнень топавтыцясь Роман Антонов. Истя жо кортасть МР-нь Госсобраниянь Председателень полавтыцясь, Финансонь, бюджетэнь ды налогтнень коряс комитетэнь прявтось Сергей Вдовин ды Мордовиянь счётной палатань председателесь Николай Ларьков. ❗️Седе тов ванновсь «Об исполнении бюджета Территориального фонда обязательного медицинского страхования Республики Мордовия за 2025 год» кевкстемась, кортавсь «О внесении изменений в статью 3 Закона Республики Мордовия «О налоге на имущество организаций», «О внесении изменения в статью 7 Закона Республики Мордовия «Об организации и обеспечении отдыха и оздоровления детей в Республике Мордовия» ды Мордовия Республикань лия закононь проекттнэс совавтоматнеде.