⚡⚡⚡МР-нь Пресс-центрасо ютась вастовома, кона алтавсь «Пожаронь а нолдамонь» темантень.
⚡⚡⚡МР-нь Пресс-центрасо ютась вастовома, кона алтавсь «Пожаронь а нолдамонь» темантень. Неень шкане республикасонок ютыть маней ды пси чить, коське, чить температурась кузни 28-30 градусос. Пиземеть арасть. Весе те теи пожароопасной тевтнень, ней сон 4-це классонь. Модасонть жо летькечись ули. 🔥Тедеде ульнесть 411 пожарт, косо чавовсть 16 ломанть. Бути кортамс мелень иенть коряс, толонь зыянтнэ киртявсть. Нама, те весе ашти ушодонть ды седе, кода ломантне ветить пряст. Те иестэнть палыця коське тикшень пултамо теезь 66 ардтнемат. 🌝Зярдо ушосонть пси, виртнесэ, паксятнесэ, велетнесэ сеедьстэ эрсить кирваземат. Пожарось лисни коське тикшестэ. Чумонь теицякс эрси ломанесь. ✅Ней республикасонок яволявтозь противопожарной режим: а мереви яксемс вирьга, тейнемс толбандят. Тень кисэ улить покш штрафт – 10 тежасто саезь 20 тежат целковойс. ❗Течинь чинтень вирень пожарт арасельть. Виртне ванкшновить зярыя тев-валонь вельде: мода ланга патрулированиянь, видеомониторингень (сотовой связень вышкатнесэ аштить камерат) ды космической мониторинг. Мордовиясо панжозь лесопожарной 12 станцият.