Тонавтнесть «Вершина» центрасонть
Тонавтнесть «Вершина» центрасонть «Вершина» военно-патриотической лувсо трямонь-кастомань федеральной центрасонть Мордовия Республикава «Защитники Отечества» Госфондонь филиалонть лезксэнзэ вельде прядовсь «Психология межличностного общения. Основы коммуникации» башка тонавтнемань программанть коряс онлайн-сессиясь. Сонзэ участникекс ульнесть Мордовиясто СВО-нь 28 ветерант. Участниктнестэ вейкесь, кие ютась тонавтнема те программанть коряс, – те Саранскойстэ спецоперациянь ветеранось Олег Локтионов. Малав 30 иеть сон служась Россиянь Вооруженной Вийтнесэ, ули запасонь подполковникень званиязо. Фронтов туекшнесь эсь олясо 2024 иень ноябрясто, тейсь истя, кода церанзояк, вейкесь эйстэст истя жо специальной военной операциянь участник, омбоцесь канды службанзо границясо. Военнослужащеесь топавтсь боевой вешематнень Херсонской направлениясо радиоэлектронной борьбань операторонь должностьсэ. Мордовия Республикава «Защитники Отечества» Госфондонь филиалонть лезксэнзэ вельде Олег Локтионов шождасто мусь робота Эйкакштнень туртов, кить кадовсть тетявтомо-ававтомо, лезксэнь максомань центрасо воспитателекс. Те важодеманть вельде сон тевс нолды весе эсь содамочинзэ, канды покш талика эйкакштнень эрямозост, касты ерокчист технической моделированиянь занятиятнень вельде.