❗❗Пандозь ярмактнень салызь
❗❗Пандозь ярмактнень салызь Маень 30-це чистэ Зубово-Полянань районсо Россиянь ОМВД-нь дежурной частьс пшкадсь 53 иесэ эриця, кона пачтясь кедьстэнзэ 11 млн целковоень саламодо. Кода евтнесь зыянс понгозесь, маень 15-це чистэ сонензэ гайневтсь асодавикс, кона кемевтизе сонзэ евтамс СНИЛС-нь номерэнть. Зярыя чинь ютазь авантень ульнесь эщте вейке гайневтема уш ФСБ-нь важодицянть пельде. Кортыцясь пачтясь, сонзэ банконь счетонть коряс, конасонть зыянс понгозенть ульнесть 11 млн целковойть, конат получазь СВО-нь ютавтомань таркасо чавовозь церанзо кисэ пандомакс, тешкстазь акемевикс ерокчи. Аволь санкционированной каямонть а нолдамга а содавикс ломанесь мерсь тензэ панжомс счет лия, седе кемевикс, валонзо коряс, банксо ды ютавтомс лангозонзо весе ярмактнень. Кармавтоматнень топавтозь, авась сыргась финансонь учрежденияв ды, специалисттнэнень квартирань рамамодо арсезь евтнеманть пачтязь, энялдсь ютавтомс ярмактнень вейке счетсто омбоцес. Эште зярыя чинь ютазь авантень таго гайневтсь буто ФСБ-нь важодицясь ды толковизе, што сонзэ таштавкстнэ те шкас аштить акемевикс счетсо, тень кувалма эряви сынст каямс ды максомс тенст ванкшномга. Зыянс понгозесь тусь Саранскоев ды банксто каинзе весе ярмаконзо. Теде мейле сыргась гостиницав, косо кармась учомо курьерэнть самонзо, конанень сон зярыя часонь ютазь ушосо отелень зданиянть эйстэ аволь васоло макссь 11 млн. Теке марто кодонь евтамокс а содавикс ломанесь, конась спортонь чопода оршамопельсэль, евтызе тензэ «Олячи» валонть. Ярмаконь максомадо мейле авась тусь кудов. Неень шкане Зубово-Полянань районга Россиянь ОМВД-нь СО-сь манчемань коряс панжсь уголовной тев. ⚡Мордовия Республикава МВД-сь пшкади эрицятненень ютавтомс профилактикань башка кортамо сыре роднятнень марто. Киненьгак ды зярдояк илядо пачтя кодтнэнь СМС-стэ, илядо юта кучовкстнэстэ ссылкатнева ды илядо путо программной обеспечения апак проверя источниктнестэ. Теде башка, эряви явомс покш мель социальной сеттнесэ личной информациянь нолдамонтень, эдь евтазь даннойтнень сеедьстэ нолдыть тевс манчицятне.