Мордовиясь вейсэндявсь акциянтень
Мордовиясь вейсэндявсь акциянтень «Знание» Россиянь вейсэндявксось ды «Защитники Отечества» Госфондось ушодызь патриотической акциянть, конань прявт геройтне – СВО-нь ветерантнэ ды участниктне. Сынь кармить вастневеме студенттнэнь ды школасо тонавтницятнень марто. Евтнить тенст эсь историядост, опыттэст, долгонтень кемемачидест, тиринь масторонтень вечкемадонть. «Вейке тев – ловномс книгасто эли ваномс экрансто, ды допрок лия тев, зярдо евтни теде сонсь неицясь, неть тевтнесэ улицясь. Сехте вадря воспитаниясь – те эсеть примерэсь», – тешкстась Россиянь Президентэсь Владимир Путин СВО-нь участниктнень од ломантнень патриотической воспитаниясонть улемань эрявиксчиденть кортамсто. Од ломантнень марто вастовоматне кармить ютавтовомо кизэнь перть. Спецоперациянь ветерантнэ евтнить эсест ланга, боевой кидест, эйкакштнень марто вейсэ толковить ояксчиденть, героизмадонть, вейкест-вейкест туртов евтнить эрямосост лисезь лиятнень енов а молиця тевтнеде ды ламо лия мезде. Мордовияськак эзь кадово те акциядонть ве енов. Истя, Чаунзань райононь Комсомольский поселкань Культурань кудосо школасо тонавтницятне вастовить «Знание» вейсэндявксонь лекторонть, республикань 1 № клинической больницянь медсестранть, конась казезь «Участнику специальной военной операции» ды «За боевые отличия» медальтнесэ, Елена Грачева марто. Тешкстасынек, акциясь ютавтневи 2024 иестэ саезь. Те шканть перть пурназельть малав 1300 вастовомат, конатнес сакшность 300 ламо ветерант ды специальной военной операциянь участникть. Фотось «Знание» вейсэндявксонть.