✅✅✅СВО-нь ветерантнэ витить шумбрачист
✅✅✅СВО-нь ветерантнэ витить шумбрачист СВО-нь демобилизовазь участниктнень шумбрачист вадрялгавтомась МР-ва «Защитники Отечества» Госфондонь филиалонть туртов ашти васенце таркасо. Специальной военной операциянь ветерантнэнень максневить питневтеме путевкат масторонь реабилитациянь центратнес ды республикань санаториятнес. Социальной координаторонть Ирина Тепаевань лезксэнзэ вельде «Вольгинский» реабилитациянь центрасо паролгавты шумбрачинзэ Теньгушевань районсто Роман Александров. Неень шкасто Мордовиянь районтнэстэ колмо ветерантнэ кемекстыть шумбрачист Волгоградонь здравницатнесэ. «Волгоград» реабилитациянь центрасо оймсить Вячеслав Васькин, Александр Козляев ды Александр Костин. Процедуратнеде юткошкастонть Александр Костин якси ошонь содавикс таркатнева. Сыре Шайговань районсто Сергей Борисов вадрялгавты шумбрачинзэ Астраханень «Тинаки» центрасо. Теке жо райононь эште вейке боецэсь Николай Кашкин кемексты шумбрачинзэ Московонь областень «Голубая речка» центрасонть. Тюменень «Тараскуль» реабилитациянь куншкакуросонть шумбрачинзэ вити Ромодановань районсто Вячеслав Подгорнов ветеранось. Фотось Отечествань ванстыцянь фондонть.