🎉🎉🎉«ЭРЗЯНЬ ПРАВДАНТЕНЬ» течи – 105 иеть!
🎉🎉🎉«ЭРЗЯНЬ ПРАВДАНТЕНЬ» течи – 105 иеть! ✅Течи, сентябрянь 24-це чистэ, «Эрзянь правда» газетась тешксты Чачома чинзэ. Миненек топодсть 105 иеть! Мезеяк лангс апак вано, весе те шканть перть тиринь кельсэ газетась лисни свал, сон ули Интернетэнь весе социальной сеттнесэ. 🌸Васенце номерэсь лиссь 1921 иестэ Московсо ды лемдевсь «Якстере тештекс». Весе историянок кеместэ сюлмавозь Мордовия Республиканть чачоманзо ды касоманзо-кемекстамонзо марто. Эрзянь пек ламо сермадыцят, поэтт, журналистт ушодызь творческой кист газетань лопатнестэ. Течи редакциясонть важоди аволь покш коллектив, тень лангс апак вано, эрятано ояксчисэ. Ардтнетяно районга, вастневтяно эрьва кодамо ломань марто, мукшнотано геройть, кенертяно сермадомс. Газетанть лангсо важоди алкуксонь команда. 🙏💚Сюкпря, вечкевикс ловныцят, евтатано тыненк! Свал ловнотадо «Эрзянь правданть», евтатадо меленк-арсеманк социальной сеттнесэ. Минь важодтяно паро мельсэ тынк кис! Илядо стувто минек сермадстомс 2027 иень васенце пельиентень. Уледе мартонок!