❗❗9 ковонь перть аферисттнэнень кучозельть 300 млн целковойть❗❗
❗❗9 ковонь перть аферисттнэнень кучозельть 300 млн целковойть❗❗ 2026 иень сентябрясто Мордовиянь Внутренней тевень органтнэс манчезь кедьстэст ярмаконь саламодо пшкалесть лезкс мельга 60 тесэнь эрицят, конатне кадовсть весемезэ 17 миллионт целковойтеме. Кавксо ломантне весемезэ емавтсть малав кемень миллионт целковойть. Сынь кемсть, што декларировить ванстозь ярмакост, ды путызь сынст буто безопасной счетс. Полицияв малав 20 пшкадицятне апаро тевс эртевсть асодавикстнэнь кувалма, конатне зыянс понгицятнень лангс сайсть кредитт весемезэ вейке миллион целковойс. Республикань 17 ломантне мошенниктненень кучсть вете миллиондо ламо целковойть товаронь миемань ды рамамонь шкасто, конатне кемсть питневтеме яволявтомань сайттнэнь, социальной сеттнень ды содавикс маркетплейстнэнь лангс. Эште кемень эрицятне полицияв лезкс мельга пшкадсть, келя, ульнесь мелест шождасто сюпалгадомс, тень таркас емавтсть весемезэ миллион целковойть. Текенень тешкстама, ютазь 9 ковтнень перть зыянов тевень теицятнень тевезэст керчавсть 800 ламо Мордовиянь эрицятне, конатне мошенниктненень кучсть весемезэ 300 миллионт целковойть. Мордовия Республикава МВД-сь тагояк кармавты ломантненень ваномс пштистэ, улемс валдо превсэ асодавикстнэнь марто телефонсо кортамсто.