Лездыть велявтомс сэтьме эрямонтень
Лездыть велявтомс сэтьме эрямонтень МР-ва «Защитники Отечества» Госфондонь филиалонь важодицятне поладыть лездамо спецоперациянь ветерантнэнень важодема таркань муемасо ды эсь тевень панжомасо. Те – фондонть икеле аштиця сехте эрявикс задачатнестэ вейкесь ды минек регионсо сон решави эрьванть марто башка. Эрьва районсо социальной координатортнэ, бажамост мельсэ кирдезь, лездыть геройтненень муемс эсь тарканть сэтьме эрямосонть. Занятостень центратнень, соцзащитань органтнэнь ды райононь администрациятнень марто вейсэ ютавтневить вастовомат. Истямо вастовома аволь умок ульнесь Дубенкань районсо, конантень сакшнось спецоперациянь ветеранось Михаил Письмеров. Мероприятиянтень сакшнось социальной координаторось Марина Герасимова. Ветеранонтень евтнесть, ков мереви молемс важодеме, тонавтнеме ды социальной контрактонь условиятнеде. Покш Березникень райононь СВО-нь ветеранонтень Сергей Косовнень якасть кудов. Вастовоманть шкасто церантень истя жо евтнесть вакансиятнеде, лия тевс тонавтнемадо ды социальной контрактонь сермадстомань лувтнеде. Ольга Юданова социальной координаторось домкасто толковинзе кодамо енкстнэва максови лезкс ветерантнэнень. Инсаронь районсо соцкоординаторонть Ульяна Матвеевань лезксэнзэ вельде кадрань центранть содавтызе СВО-нь ветеранось Юрий Вишняков. Кортнеманть пингстэ церантень евтазельть зярыя важодема таркат, конатне ладить сонзэ квалификациянтень ды опытэнтень. Истя жо сонензэ толковизь, кода мереви ушодомс эсь тев. Бизнесэнь панжомадо мелесь Юрийнень вечкевсь. Специальной военной операциянь ветеранось, 3-це группань инвалидэсь Сергей Борисов занятостень центрас арась учетс важодема таркань муеманть коряс. Сонензэ евтасть мель сермадстомс соцконтракт эсь подсобной хозяйствань ветямга. Ветеранось ней ванкшны эсь тевень панжомань китнень-янтнэнь.