СВО-нь участникень чи
СВО-нь участникень чи Октябрянь 30-це чистэ Покш Игнатовасо ютась СВО-нь участникень чи. Модельной библиотекань площадкасонть важодсь межведомственной комиссия, ков совасть Мордовия Республикань Прявтонь лездыцясь, МР-нь Специальной военной операциянь ветерантнэнь ассоциациянь председателесь Александр Асманов, МР-нь Государственной юридической бюронь прявтось Наталья Киреева, региононь здравоохранениянь, образованиянь, социальной ванстомань, трудонь ды занятостень министерстватнень специалисттнэ, МР-ва Россиянь Социальной фондонь Отделениянь, военной комиссариатонь, Отечествань воинтнэнь семиятнень комитетэнь представительтне ды «Защитники Отечества» фондонь социальной координатортнэ. Важодемасонть ульнесь Покш Игнатовань райононь прявтонь тевтнень нурька шкас топавтыцясь Алексей Левщанов. Мероприятиянть прявт смустезэ – специальной военной операциянь участниктненень ды сынст семиятненень весемеендонь лезксэнь явомась. Вастовоманть лувсо райононь эрицятне пшкадсть эрьва кодамо кевкстема марто, истя жо санаторно-курортной лецямонь максомадо ды эрямонь условиятнень вадрялгавтомадо. Специалисттнэ макссть эрявикс консультацият. Весе пшкадематне саезь вановт алов ды куроксто ванновить подведомственной органтнэсэ. «СВО-нь участникень чи» проектэсь топавтови регионсонть Стратегической инициативатнень агентстванть марто вейсэ ды ашти Мордовия Республикань Прявтонть Артем Здуновонь башка вановтонзо ало.