Ветераннарны хөрмәтләп
Ветераннарны хөрмәтләп Район үзәк дәваханәсе коллективында озак еллар намуслы хезмәт салган һәм бүгенге көндә лаеклы ялда булган ветераннарны Өлкәннәр көне белән тәбрикләделәр. Хөрмәтле пенсионерларыбызны профсоюз оешмасы рәисе Резидә Рафаил кызы Хәйдәрова һәм өлкән фельдшер Гөлнәзирә Фәнсаф кызы Бәширова котлап, бүләкләр тапшырдылар. “Без Сезнең һәрберегезгә бәһаләп бетергесез хезмәтегез һәм эшкә бирелгәнлегегез өчен чиксез рәхмәтлебез! Сезнең тырышлыгыгыз һәм безнең дәваханә үсешенә керткән өлешегез безнең хәтердә һәм йөрәкләрдә мәңгегә калачак. Пенсиядәге тормышлары уңайлы һәм тыныч булсын өчен без һәрвакыт ветераннарыбызга ярдәм күрсәтергә әзер”, – ди медицина хезмәткәрләре.
629 просмотров