Якынлашып килүче һөнәри бәйрәмегез белән сезне, укытучыларыбыз!
Якынлашып килүче һөнәри бәйрәмегез белән сезне, укытучыларыбыз! Район мәдәният сараенда Укытучылар көненә багышланган бәйрәм концерты булды. Бу көн балаларга көн саен белем, җылылык һәм кайгырту бүләк итүчеләргә рәхмәт сүзләре әйтергә мөмкинлек бирде. Укытучыларны һөнәри бәйрәмнәре белән Илеш районы муниципаль район хакимияте башлыгы Илдар Мостафин һәм район мәгариф идарәсе начальнигы вазифаларын башкаручы Алмаз Ганиев котладылар. Җитәкчеләр педагогик хезмәтнең мөһимлеген билгеләп үттеләр һәм һәркемгә ныклы сәламәтлек, сабырлык һәм яңа уңышлар теләделәр. Бүләкләү тантананың күңелле мизгеле булды. Иң яхшы укытучыларга һәм тәрбиячеләргә төрле ведомстволарның лаеклы бүләкләре, ә район башлыгы стипендиатларына сертификатлар тапшырылды. Чарада Балалар сәнгать мәктәбендә тәрбияләнүчеләр бәйрәм рухы тудырды. Яшь артистлар кунакларга күңелгә үтеп керерлек һәм кызыклы концерт номерлары бүләк иттеләр. Барлык укытучыларны да бәйрәм белән котлыйбыз! #Илишевскийрайон #ДеньУчителя#Образование