Ярмушка ялĕнче Ҫемьепе юрату тата шанчӑклӑх кунне тивӗҫлӗн уявланӑ. Яштака хурӑн хай ҫы... — 9 июля 2026 г. в 18:03:46.310
Ярмушка ялĕнче Ҫемьепе юрату тата шанчӑклӑх кунне тивӗҫлӗн уявланӑ. Яштака хурӑн хай ҫывӑхне тӗрлӗ ялсенчен куракансене пуҫтарнӑ. Ҫанталӑке те пит аван пулнӑран пурин кӑмӑл те ҫӗкленӳллӗ. Территори пайӗн ертӳҫи Андрей Яковлев Ярмушка ялӗнчи аслӑ ҫулхи ҫынсене Тав хучӗ парса хакланӑ. Мария Андреевнапа Александр Иванович Немиловсем, Венерӑпа Геннадий Илларионович Сорокинсем пӗр ҫемье ҫавӑрнӑранпа 55 ҫул ҫитнине, ҫамрӑк ӑрушӑн тӗслӗхлӗ ҫемье пулнине ҫирӗплетнӗ. "Утмăлтурат", "Шурӑмпуҫ" ушкăнсем хӑйсен пуян программипе чӑн-чӑн уяв парнеленĕ. Культура ӗҫченӗсен пултарулăхĕ, халăха пӗр чӑмӑра пустарни паянхи куншӑн питех пӗлтерӗшлӗ. Куршӗ Элек округӗнчи "Шурӑ акӑш пикисем" ушкӑн, юрӑҫ, сӑвӑҫ, 5 кӗнеке авторӗ Иван Родионов эстрада юррисемпе савантарнӑ.