Паян Вӑрнар округӗнче "Сывлӑх Пуйӑсӗ" - "Ача-пӑча тухтӑрӗ" мобильлӗ медицина комплексӗ ... — 20 июля 2026 г. в 15:33:08.473
Паян Вӑрнар округӗнче "Сывлӑх Пуйӑсӗ" - "Ача-пӑча тухтӑрӗ" мобильлӗ медицина комплексӗ ӗҫлерӗ. Республикӑри сиплев учрежденийӗсен специалисчӗсем тӗп больница поликлиникин ача-пӑча уйрӑмӗнче ҫамрӑк ӑрӑва пахалӑхлӑ медицина пулӑшӑвӗпе тивӗҫтерчӗҫ. Мобильлӗ бригадӑсен йышӗнче пысӑк квалификациллӗ тухтӑрсем ӗҫлерӗҫ: хирург, стоматолог, невролог, оториноларинголог, акушер-гинеколог, дерматолог, офтальмолог тата ультрасасӑ диагностикин тухтӑрӗ. 200 ытла ача тӗрӗслев витӗр тухса тухтӑрсен консультацине илчӗҫ. Шупашкара каймасӑрах ӑста квалификациллӗ медицина пулӑшӑвӗ илме май пурришӗн тата ҫакӑн пек пӗлтерӗшлӗ те усӑллӑ акци йӗркеленӗшӗн ашшӗ-амӑшӗ Чӑваш ен Пуҫлӑхне, сывлӑх сывлавӗнче ӗҫлекенсене чун-чӗререн тав тӑвать. #ШагкздоровьюЧувашия #детскийпоездздоровья