📌 Башҡорт балаҫы үҙәге һәм Ҡаһым түрәнең күсмә тирмәһе - Башҡортостан Башлығы гранты я... — 26 августа 2026 г. в 10:15:16.377
📌 Башҡорт балаҫы үҙәге һәм Ҡаһым түрәнең күсмә тирмәһе - Башҡортостан Башлығы гранты ярҙамын алды. Башҡортостан Республикаһы Башлығы гранттарын алыуға икенсе конкурс һөҙөмтәләре билдәле булды. Һайлап алыу туры коммерцияға ҡарамаған һәм эш башлап ҡына торған ойошмалар араһында бер айҙан ашыу барған. 🔹 Бөтәһе 153 ғариза килгән, шуларҙың 58-е ярҙам аласаҡ. 🔹 37 ойошма беренсе тапҡыр грант ала, шуларҙың 15-е өсөн был тәүге конкурс. 🏆 Еңеүселәргә килгәндә, күбеһе ошо төбәктәрҙән: 🔸 Өфө - 16 проект, 🔸 Шишмә районы - 8 проект, 🔸 Миәкә районы - 4 проект, 🔸 Стәрлетамаҡ - 3 проект. 🔹 Күп эштәр ғаиләләргә, балаларға, һаулыҡ мөмкинлектәре сикләнгән кешеләргә һәм МХО-ла ҡатнашыусыларға ярҙамға арналған. 🔥 Араларында башҡорт халҡының рухи һәм матди ҡиммәттәрен һаҡлауға йүнәлтелгәндәре лә бар. ✅ Мәҫәлән, Стәрлетамаҡ районы Мырҙаш ауылы мәҙәниәт йортонда ҡуйылған Ҡаһым түрәгә арналған күргәҙмә халыҡта оло ҡыҙыҡһыныу уятҡан һәм шул нигеҙҙә "Ҡаһым түрәнең күсмә тирмәһе" проекты барлыҡҡа килгән. Был күсмә тирмә райондың төрлө ауылдары буйлап "йөрөйәсәк" һәм төрлө ҡыҙыҡлы саралар, осрашыуҙар үтәсәк. Проект Башҡортостан Республикаһы Башлығы грантын алған - 499 486,61 һум аҡса бүленгән. ✅ "Хазина" башҡорт балаҫы үҙәге барлыҡҡа киләсәк. Был идея Башҡортостан Республикаһы Башлығы Радий Хәбировҡа Тура бәйләнештә мөрәжәғәт иткәндән һуң тыуа. Башҡорт балаҫы үҙәге Миәкә, Бишбүләк, Дәүләкән, Шишмә райондары, Салауат һәм Стәрлетамаҡ ҡалаларында туҡылған башҡорт балаҫтарын туплаясаҡ. Бында Башҡорт балаҫы музейы буласаҡ, унда халыҡтан йыйылған иң матур үрнәктәр һаҡланасаҡ. Шулай уҡ сувенирҙар һатыу нөктәһе дә ойошторасаҡтар. "Хазина" башҡорт балаҫы үҙәге Миәкә районы Елдәр ауылында урынлашасаҡ, уны булдырыуға 498 500 һум грант аҡсаһы бүленгән. ✅ Уран башҡорт ырыуы мираҫын тәрәндән өйрәнеү өсөн тарихи-мәҙәни үҙәк асыласаҡ. Бының өсөн Яңауыл ҡалаһының тарихи-тыуған яҡты өйрәнеү музейы бүлмә бүлергә әҙер, ти проект авторҙары. Элек Уран олоҫон тәшкил иткән, хәҙер Башҡортостандың Яңауыл районында йәшәгән башҡорттарҙың тарихын, мираҫын өйрәнеү һәм танытыу маҡсатында булдырыласаҡ үҙәккә 395 459 һум грант аҡсаһы биреләсәк. 🔹 Проекттар 2026 йылдың 1 октябренән бойомға ашырыла башлай. 🔹 Еңеүселәрҙең тулы исемлеге менән ошонда таныша алаһығыҙ: грантыглавы102.рф. 📍 Әйткәндәй, 6 йыл эсендә Башҡортостанда 1108 проектҡа ярҙам күрһәтелгән, уларға 1,6 миллиард һум бүленгән. Һәм был эш дауам итә.