«Таёжный» лагеринге «Евразия» фестивалы эрткен — 17 июля 2026 г. в 03:11:06.998
«Таёжный» лагеринге «Евразия» фестивалы эрткен Барыын-Хемчик кожууннуң девискээринде «Таёжный» уругларның кадыкшылга лагеринге «Евразия» чоннарның эп-найыралы фестивалы эрткен. Фестиваль ёзулуг-ла чаңгыс эп-демниң, өөрүшкү-маңнайның байырлалы болган. Оолдар, уруглар чоннарның ёзу-чаңчылдары, культуразынче кайгамчыктыг аян-чорукту кылган. Отряд бүрүзү таныштырылга концертти белеткээн: национал ыры-хөгжүм, танцы-сам, харын-даа шииден үзүндүлер. Оон аңгыда национал идик-хеп болгаш амыдыралы – уруглар янзы-бүрү чоннарның чаңчылчаан идик-хеви-биле танышкан, угулзаларның, янзы-бүрү демдектерниң ужур-утказын билип алганнар. Ол ышкаш оюннар база мастер-класстар уругларның сонуургалын хаара туткан: орус чоннуң оюн - хөглээшкиннеринден чөөн чүк чоннарының ёзу - чаңчылдарынга чедир. Уруглар ырлажып, национал оюннарны ойнап, 10 аңгы дылга «Экии» деп сөстү чугаалап өөренгеннер. Фестивальдың программазында кулинарлыг сюрприз хамыкты кайгаткан: аңгы-аңгы республикаларның национал аъш - чемин амзааннар. «Таёжный» лагеринге эрткен «Евразия» фестивалы база катап бадыткаан: эп-найырал кызыгаар чок, а ыры-хөгжүм, сагыш-сеткилден чугаа-соот уругларны демнештирген